‘অন্দ্রো দ্রিমস’ না বেষ্ট দোকুমেন্টরি এৱার্দ ফংলে
ইম্ফাল, ওক্টোবর ১৬ : মুম্বাইদা পাঙথোকবা ৮ শুবা জগরান ফিল্ম ফেষ্টিবেলদা দাক্তর মীনা লোংজমগী ‘অন্দ্রো দ্রিমস’ না ঙরাং বেষ্ট দোকুমেন্টরি এৱার্দ ফংখ্রে। দাক্তর মীনা লোংজমগী ‘অন্দ্রো দ্রিমস’ হায়রিবা ফিল্ম অসি লাইবী কৌবী অন্দ্রোদা লৈবা য়াম্না লাইরবা নুপী অমনা হনবা লৈতবা মহাক্কী থৌনানা এএমএমএ এফসি কৌবা নুপীমচাখক্তগী ওইবা ফুটবোল ক্লাব অমা হৌখিবা চহি ২২ চলাইরকপা অমদি মহাক্কী খবোইদগী অশা তৌবা শান্নরোই নিরমলা কৌবী নুপীমচা অমগী পুন্সিদা য়ুম্ফম ওইবা ৱারীনি।
ফিল্ম অসিগী কো প্রদ্যুসর জানি বিশ্বনাথনি। ফিল্ম অসিবু দাইরেক্সন পীরিবা দাক্তর মীনা লোংজম মহাক্কী অহানবা দোকুমেন্টরি ফিল্ম ‘ওটো দ্রাইভর’ দা ইং কুমজা ২০১৫ দা বেষ্ট নেসনেল এৱার্দ ফংখ্রে। ফিল্ম অসি মণিপুরদা অহানবা ওইনা ওটো রিক্সো থৌদুনা ইমুং বা নুপী অমখক্তা য়ূম্ফম ওইবা ফিল্মনি।
মহাক্কী অনিশুবা দোকুমেন্টরি ফিল্ম ‘অচৌবী ইন লব’ নেসনেল অমদি ইন্টার্নেসনেল ফিল্ম ফেষ্টিবেল ৩০গী মথক্তা শরুক য়াখি। দাক্তর মীনা লোংজমগী ফিল্ম ‘অন্দ্রো দ্রিমস’ অসি আইদিএস-এফএফকে ফেষ্টিবেল, কেরলা, কোরিয়ান ইন্টার্নেসনেল ইথনোগ্রাফিক ফিল্ম ফেষ্টিবেল অমদি ফেষ্টিবেল ইন্টার্নেসনেল দি সিনে দি ফুসাগাসুগা ২০২৩ দা শরুক য়ানবা খল্লকখ্রে হায়রি।
সোর্স: পান্দম
0 কমেন্ট:
কমেন্ট তৌবিয়ু