ৱারীমচাগী লাইরিক ‘বোলনা কোয়থোক্লুবদা’ ফোংখ্রে
ইম্ফাল, জানুয়ারি ১৪ : কালচারেল ফোরাম মণিপুরগী থৌশিল মখাদা সোরোখাইবম দেবেন্দ্রনা ইবা ৱারীমচাগী লাইরিক ‘বোলনা কোয়থোক্লুবদা’ কৌবা ৱারীমচা অহুম য়াওনা লাইরিক ঙসি ওল এসেমব্লিগী মিউজিয়াম কনফারেন্স হোলদা ফোঙখ্রে।
লাইরিক অসি ফোরাম অসিগী ১৩০ শুবা লাইরিকনি। থৌরম অসিদা হান্নগী জে এন মণিপুর ডান্স একাডেমিগী ডিরেক্টর লোংজম জয়চন্দ্র সিংহনা চীফ গেষ্ট অমসুং কালচারেল ফোরামগী প্রেসিডেন্ট প্রোফেসর ঐচ বিহারিনা প্রিজাইড তৌখি। দি এম য়ুণিভার্সিটিগী এসোসিয়েশন প্রোফেসর ডোঃ সরতচন্দ্র লোংজোম্বনা লাইরিক অসিগী মরমদা ফজনা মশক তাকপীখি।
চীফ গেষ্টকী ৱারোল পীরদুনা জয়চন্দ্রনা হায়, ৱারীমচাশিং অয়াম্বনা ইচম চম্বা ৱারী ঙাক্তনি, পাবদা মীচম্নসু লায়ন খঙবা ঙমগনি। প্রেসিডেন্টকী ৱারোল পীরদুনা প্রোফেসর ঐচ বিহারিনা হায়, ৱারীমচাগী লাইরিক অসিনা অইবা সোরোখাইবম দেবেন্দ্রেবু ৱারীমচা অইবা অমা ওইনা অমা ওইনা শকতাক্লে।
সরতচন্দ্র লোংজোম্বনা সিক্কিমগী ৱারী হায়বসিদি ট্রাভলোগ ওইবা ফজবা ৱারীমচা অমনি হায়খি। থৌরম অসিদা মণিপুর য়ুনিভার্সিটিগী ওজা প্রোফেসর কুঞ্জো, প্রোফেসর উপেন্দ্র, ইমাখোলগী প্রেসিডেন্ট ডোঃ রাজকুমার গুনচন্দ্র, শক্নাইরবা অইবা লাইশ্রম মেমোনচিংবা কয়াসু শরুক য়াখি। কালচারেল ফোরামগী জেনারেল সেক্রেটারি ক্ষেত্রি রাজেননা তরাম্না ওকপগী ৱারোল পীখি।
সোর্স: পান্দম
0 কমেন্ট:
কমেন্ট তৌবিয়ু