image

য়ুরোপ তুরগী ইন্দিয়াগী নুপী হোক্কী তিমদা মণিপুরগী পুখ্রম্বম সুশিলা চনু অমসুং খারিবম বিচু য়াওরে

নিউ দিল্লী, জুলাই ৪ (পিটিআই) : জার্মানিগা শান্নগদবা মেটচশিং অমসুং স্পেনগী লৈবাক মরিগী তুর্নামেন্ত অমা য়াগদবা জুলাই ১৬তগী হৌগদবা য়ুরোপ তুরগীদমক মেম্বার ২০না শাবা নুপী হোক্কী তিমদা মণিপুরগী পুখ্রম্বম সুশিলা চনু অমসুং খারিবম বিচু দেবী য়াওখ্রে।

গোলকিপার সভিতানা কেপ্তেন ওইনা লুচিংগদৌরিবা টিম অদুদা মণিপুরগী বিচুসু গোলকিপার ওইনা য়াওরি। অস্ট্রেলিয়া তুরদা পোত্থাহৌখিবা ভেতরান দিফেন্দর সুশিলা চনুসু তিম অদুদা মহাক্কী মফম ফংলি।

চহী অসিগী সেপ্তম্বরদাগী হৌনবা মতম লেপ্লিবা খ্বাইদগী মরু ওইরবা হাংঝৌ এসিয়ান গেমসকী মাঙওইননা তিমগী শেম শাবা ওইনা তুর অদু চৎকদৌরি। জার্মানিদা তেস্ত মেটচ অহুম জুলাই ১৬তগী জুলাই ১৯ ফাওবা শান্নগনি। ইন্দিয়াগী তিম অদুনা য়ূম্বুগা মেতচ অনী অমসুং চাইনা অমা শান্নগনি।

মখা তারকপদা তিম অদুনা স্পেনদা চৎকদৌরি। মফম অদুদা জুলাই ২৫ দগী ৩০ ফাওবা পাঙথোক্কদবা ১০০ শুবা এনিভার্সিরি স্পেনিশ হোক্কী ফেদারেসন ইন্টারনেসনেল টুর্নামেন্ট তেরেসাদা ইন্দিয়ানা সাউথ আফ্রিকা, ইংলন্দ অমসুং য়ুম্বু স্পেনগা লম্বা তৌনরুগনি।

তিম অদুদা চহী অসিগী মে থাদা চৎখিবা অস্ত্রেলিয়া তুরদা য়াওখিবা শান্নরোয় অয়াম্বনা অহোংবা লৈত্রি। লম্বা পাবিনবা লৈত্রবী গোলকিপার সভিতানা টিম অদু লুচিংগনি, অদুগা দিপ গ্রেস এক্কানা মহাক্কী দিপুটি ওইনা মথৌ পাঙথোক্কদৌরি। অস্ত্রেলিয়া তুরদা তিমদগী পোত্থাহৌখিবা সুশিলা চনু অমসুং ফোরৱার্দ দিপিকা তিম অদুদা অমুক হল্লক্লি।

ইন্দিয়াগী রিপ্রেজেন্ত তৌদুনা মেতচ অহুম শান্নখ্রবী মিদফিল্ডার বৈষ্ণবী ভিথাল ফালকেসু তিমদা অমুক হল্লক্লি। ইন্দিয়াগী তিম অদুনা বেঙ্গলুরুগী নেসনেল কেম্পদা ত্রেনিং চত্থরক্লি। মণিপুরগী বিচু দেবীনা তিম অদুদা সেকেন্দ গোলকিপর ওইনা মহাক্কী মমিং চনবা ঙম্লি, অদুগা তুর অদুগীদমক দিফেন্দরশিং ওইনা দিপ গ্রেস এক্কা, নিক্কি প্রধান, ইশিকা চৌধুরী, উদিতা অমসুং সুশিলা চনুবু লৌখৎখি।

মিদফিল্ডদা নিশা, মোনিকা, সলিমা তেতে, নেহা, নভনিৎ কোর, সোনিকা, বলজিৎ কোর, বৈষ্ণবী ভিথাল ফালকে অমসুং জ্যোতি ছাত্রিনা শাবা পূক্নিং চিংশিন্নিংঙাই ওইরবা লাইনআপ অমা ওইবগী চাউথোকচবা পোক্লি। ইন্দিয়াগী ফোরৱার্দ লাইন অদুদা মথৌ তৌমিন্নরগনি।

চীফ কোচ য়ানকে শাপমেন্না হায়, স্পেন অমসুং জার্মিনিগী তুর অদুনা অমুক হন্না ইন্তারনেসনেল স্তেজ অমদা মহাক্কী তিম্না তৌবা ঙম্বা অমসুং হৈ-শিংবশিং ঊৎনবগী অচৌবা খুদোংচাবা অমা ওইরগনি অমসুং এসিয়ান গেমসকীদমক মখা তানা মখোয়গী শেম শানবগী খুদোংচাবা অমসু ফংলগনি।

মহাক্না মখা তানা হায়, মখোয়গী ওইনা মখোয় মশাবু অকনবা লম্বা তিমশিংগা থেংনবাদ চাংয়েং তৌনবগী মপূং ফারবা প্লেতফোর্ম অমা ওইগনি। তুর অদু লাক্কদৌরিবা এসিয়ান গেমসকা মরী লৈননা মখোয়গী ওইনা মরু ওইরি, মরমদি মহাক্কী তিমগী পারফোর্মেন্স মখা তানা ফীবম ফগৎহন্নবগীদমক মথৌ তারিবা এরিয়াশিং খঙদোক্নবা মতেঙ ওইগনি।

টিমঃ গোলকিপারশিং: সভিতা (কেপ্তেন), খারিবম বিচু দেবী। দিফেন্দরশিংঃ দিপ গ্রেস এক্কা (ভাইস কেপ্তেন), নিক্কি প্রধান, ইশিকা চৌধুরি, উদিতা, পুখ্রম্বম সুশিলা চনু।

মিদফিল্ডরশিং: নিশা, মোনিকা, সলিমা তেতে, নেহা, নভনিৎ কোন, সোনিকা, বলজিৎ কোর, বৈষ্ণবী ভিথাল ফালকে, জ্যোতি ছাত্রি।

ফোরৱার্দশিং: লালরেমসিয়ামি, ভন্দনা কতারিয়া, সঙ্গিতা কুমারি, দিপিকা।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু