• 914
• ১লা জুন ২০২২ ইং
• Share on:

হোজাইদা নুপী অইবীগী মশিং য়াম্না লীক্লি – য়ুম্নাম রেনুকা

ইম্ফাল, মে ৩০ : আসামগী হোজাই মায়কৈদা নুপী অইবীশিংগী মশিং য়াম্না লিক্না লৈ। মায়কৈ অসোমদা নুপী অইবীশিং মরাং কাইনা থোরকপা তঙাইফদে। অইবী মরাং কাইনা থোরক্লবা মতমদা হেন্না হেন্না চাওখৎপা পুরকপা ঙমগনি হায়না হোজাই নিঙোল য়ুম্নাম রেনুকানা ফোঙদোকখ্রে।

ৱাফম অসি ঙরাং আসাম মণিপুর ৱ্য’মেন লিটরেরি এন্ড কালচারেল ওর্গানাইজেসন হোজাই, আসাম, উদয়পুরনা শিন লাংদুনা নোংমা চুপ্না পাঙথোকখিবা শৈরেং শৈদিন্নবগী থৌরমগী শৈদিনপুরেন ওইনা শরুক য়াখিবী য়ুম্নাম রেনুকানা ফোঙদোকখিবনি।

রেনুকানা মখা তানা হায়, আসাম মণিপুরী ৱ্য’মেন লিটরেরি এন্দ কলচরেল ওর্গানাইজেসন অসি লিংখৎলক্লিবা অসিমক্না মায়কৈ অসোমগী ওইবীশিংদা অচৌবা থৌনা অমা পীবীবগী মথক্তা লিটরেরি এন্দ কলচরেল মুবমেন্ট শাগৎপদা হেন্না খুমাং চাওশিলহল্লে। ওর্গনাইজেশন অসি হিঙ্গৎহন্নবা হোৎনবদা মীয়াম্না মতেং পাংশিনবগী তঙাইফদবগী লৈ।

শৈরেং শৈদিন্নবা অদুদা অর্গানাইজেসন অসিগী শক্নাইরবী কবি ক্ষেত্রিময়ুম সুবদনি, কুঞ্জসখি দেবী, সুচিত্রা অমদি চম্পানচিংবা মরু ওইবা লুপ্লোই কয়ানা শরুক য়াখি।

য়ুম্নাম রেনুকানা শৈরেং শৈদিন্নবা অদুগী শৈদিন পুরেল ওইখি। লোয়ননা অসেম শুবাশিনি দেবীসু থৌরম অদুগী ফম্বাক্তা লেংশিনখি। থৌরম অদুগী মনুং চন্না নাৎকী ওইবা থৌরম কয়াসু পাঙথোকখি।

সোর্স: সঙাই এক্সপ্রেস