লাই হরাউববু করেমনবীগনু
মিরর ওনলাইন ডেস্কঃ হৌজিক আসাম অমদি মণিপুরগী তোঙান-তোঙানব মফম কয়দা পাক-শন্না পাঙথোকনরিবা লাই হরাউবগী থৌরমশিং অসি কাঙলোন চুম্না পাঙথোকনবা উমংলাই কনবা অপুন্বা লুপ (উকল) না মসিগি মশা লোয়শঙশিংদা খুৎশমনরগা কুপ্না য়েংশিনবগী থবক চঙশিনবা হৌরে হায়না উকলন চেরোল অমদা ফোংদোরক্লি।
উকলগী প্রেসিডেন্ট চনম পারীহলনা লুচিংবা কাংবু অমনা আসামগী কাছাড়, শিলচর নাচিংবা মফমশিংদা পাঙথোকনরিবা লাই হরাউফমশিংদ কোয়ান চৎতুনা কুপ্না য়েংশিন্নবা হৌখ্রে। মনিপুরগী তোঙান-তোঙানবা মফমশিংদা লোংজম অরুন অমদী মুতুম ঙানবা নচিংবনা তোঙান-তোঙানবা কাঙলুপ খায়দোক্নদুনা কুপ্না য়েংশিল্লি। মশিগী মথক্তা তোঙান-তোঙানবা মশা লোয়শঙশিংনা কোন্বা মফমশিংদা কোয়ান চৎতুনা কাঙলোন চুম্না লীক্লম কায়দনা লাই হরাউনবা অমদী ফুরুপকী শক্তমদা মরিং-মরাং থোকহন্দনবা হোৎনরি।
কোভিদনা মরম ওইদুনা মমাঙ চহীদা লাই হরাউখিদ্রবা মতুংদা হন্দক নৌনা লাই হরাউবা হৌনরকপা অসিদ কনাগুম্বা খরনা ইশাগী অপাম্ব মওংদা লাই হরাউবদ তৌরোইদবা কয়া তৌশিনখিবশিংদু উকলনা থম্মোয় শোক্না নুংঙাইদবা ফোংদোকরক্লি।
ফুরুপকী নাৎ-শক্তমগী অচেৎপা মফম, থৌরম অসিদা হন্দক লাইফম অমা-অনিদা লাই হরাউববু করেমনখিবা অসিমক ফুরুপ অসিবু করেমনবনি হায়না লৌই।
অসিগুম্ব লাই হরাউবগী লীক্লম পুম্নমক থুগাইদুনা ঙাওশিন-ফৈজিন্নবগী থৌওং কয়া লাই হরাউবদা চত্থখিবশিঙগী মথক্তা উকলনা অখন্নবা মীৎয়েং চংদুনা তৌফম থোকপা পুম্নমক মীয়ামগ লোয়ননা তৌন্নবা হোৎনরি।
মখা তান লাই হারাউবদা তৌরোইদবা কয়া তৌশিনদনবা অমাদি থোকহন্নিংদবা থৌদোকশিং থোক্তনবা লাই থৌগল লুপশিং অমাদি লাইথৌ তৌরিবশিংনা চেকশিনবগি তঙাই ফদবা লৌরে। লাই হরাউরিবা অমাদি হরাউগে তৌরিবা পুম্নমক্না লীক্লম কাঙলোন ঙাক্না লাই হরাউবগী মতম ওইরে। অমাইবা, পেনা অমাইবী পুম্নমক্না কাঙলোন চুম্না মীয়াম্বু লমজিংবীয়ু। মীয়াম্বু অফবা অচুম্বা লম্বীদা লমজীংবগী মহুৎতা মীওই খরগী য়াকা য়েংদুনা ইশাগী শীনফম মন্তিকনবীগনু। তাংখুল নুরাবীগি থৌরমদা কা-হেনজিন্বা মওংদা থৌরম পাঙথোকপীগনু হায়না উকলনা আপীল তৌরি।
লাই থৌগল লুপশিংনসু অমাইবা, পোন, অমাইবীশিংবু ইকাই খুম্না লোয়নাবীবগা লোয়ননা কাঙলোন চুম্না লাই হরাউনবা হোৎনরক্পদা অচেৎ-অমন পীদনা তেংবাংবিনবা হৌৎনবিয়ু অমদি লাই থৌরম লাইদ্রীঙৈদা লীলা, সিনেমা, জগোয়-ঈশৈনচিংবগি থৌরম অমত্তা চত্থহনবিগনু। অদুগা লাই হরাউরিঙৈ মতুংদা লাইবুঙদা থাবল চোংহনবিগনু অমাদি লাইবুঙদা তাগদবা সাউন্ড খক্তমক শিজিন্নবীয়ু, অমাদি লাই হরাউফমগী অকোয়বদা ময়াই কাবা চিনঞ্জাক চাবা, য়োনবা অমাদি চারু-থক্লুরগা ঙাওশিন-ফৈজিন্নবনচীংবা অমত্তা তৌহনবীগনু হায়না উকলনা অরোয়বদা থম্লক্লি।
সোর্স – সঙাই এক্সপ্রেস
0 কমেন্ট:
কমেন্ট তৌবিয়ু