ইম্ফাল, সেপ্তেম্বর ১৯ : মৈতৈ চৈঙাক, ইম্ফালনা লময়ানবা হিজম ইরাবতকী ৱাখল্লোন শন্দোকপা অমদি মহাক্না পামজরম্বা পান্দম অমসুং পন্থুংবু মীয়ামদা য়ৌহন্নবা হোৎনদুনা লাকপা লমদমসিগী শক্নায়রবা অইবা অহুমদা লময়ানবা ইরাবত মেমোরিএল লাইফ তাইম এচিবমেন্ত এৱার্দ লান্থোক্তুনা ইকায় খুম্নরগনি হায়রি।

লূপ অসিগী পাব্লিসিত সেক্রেতরিনা থাদোরকপা চেরোল অসিনা হায়, লময়ানবা ইরাবত মেমোরিএল লাইফ তাইম এচিবমেন্ত এৱার্দ অসি অইবা তাইম এচিবমেন্ত এৱার্দ অসি অইবা অহুম মথংশীৎনা লাঙ্গোল ইবোয়াইমা, জুগোল সাই অমসুং চনা লুখোইদা লান্থোক্লগনি।

লাঙ্গোল ইবোয়াইমা-ইম্ফাল ওয়েস্ট দিস্ত্রিক্তকী মনুং  চনবা মোং শাঙ্গৈ, নম্বুল মপালদগীনি। মহাক্কী ফোঙখিবা লাইরিকশিংগী মনুং দা ‘থম্মোয়না তেংথারি’ ‘থবক থিবা’, ‘মে দে’, ‘ইরাবতকী পুন্সি শক্তম খরা’, ‘ইরাবতকী মীৎয়েং অমা’ হায়রিবশিং অসি পনবা য়াই। মসিগী মথক্তা লময়ানবা হিজম ইরাবতকী ১০০ শুবা মপোক কুমওনদা চয়োল খুদীংগী ‘খোল্লাও’ পাউ-চেদা লময়ানবা অসিগী পুন্সি অমসুং মহাক্না লৌরম্বা থৌদাংশিং গী মতাংদসু আর্তিকল কয়া ইদুনা ফোঙখ্রে।

জুগোল সাই-ইম্ফাল ওয়েস্টকী সগোলবন্দ সলাম লৈকায়দগীনি। মহাক্কী ফোঙখ্রবা লাইরিক খরদং পল্লবদা ‘মণিপুর রিভোলুসনা পার্ত-১ অমসুং পার্ত-২’, ‘ক্যুবান রিভোলুসন’, ‘পৃথিবীগী অফাওবা অফাওবীশিংগী পুন্সি’, ‘লিজেন্দরি রিভোলুসনারি চে গুভেরা’, ‘লেনিনিজম য়ূম্ফমশিং’, ‘চহী ১০০ গী ইন্দিয়াগী কম্যুনিস্ত পার্তিগী খোঙচৎ’ অসিনচিংবনি।

চনা লুখোই-ইম্ফাল ইস্ত দিস্ত্রিক্তকী মনুং চনবা চনা হায়রিবা খুঙ্গং অসিদগীনি। মহাক্কী ফোঙখ্রবা লাইরিকশিংগী মনুংদা ‘শক্নায়বা ১২ গী ৱারী’, ‘নুপীলালদা থৌনা ফবীশিং’, ‘চরৈ হুইমদোল লৈমা’ খরা অসি পনবা য়াই।

মৈতৈ চৈঙাক্না শীন্দুনা চৎলিবা থা অসিগী ২১ দা শওম্বুং কম্যুনিতি হোলদা পাঙথোক্কদৌরিবা ‘মণিপুর কনবা নুমিৎ’ থৌরমদা অইবা ৩ অসিদা লময়ানবা ইরাবত মেমোরিয়েল লাই তাইম এচিবমেন্ত এৱার্দ অসি লান্থোক্তুনা ইকায় খুম্নগনি হায়নসু চেরোলসিদা মখা তানা হায়রি।

সোর্স: পোক্নফম