ইম্ফাল, সেপ্তেম্বর ১৯ : নহারোল সাহিত্য প্রেমী সমিতিনা চহী অমমম কান্নরগা পীবা মৈতৈলোন্না মমালোন ওইদবা মীওইশিংনা মৈতৈলোন্দা ইবা কলচর অমসুং লিতরেচরগী লাইরিকশিংদা পীবা পদ্মা দেবী এৱার্দ ২০২৪ গীদমক ইন্দিয়াগী সিতিজেনশিংদগী লাইরিকশিং কৌরি।
শৈরেং, ৱারেং, নোভেল, ফুঙ্গা ৱারী, অঙাংগী সাহিত্য, কলচর অমদি লিতরেচরগা মরী লৈননা অতোপ্পা লোন্দগী মৈতৈলোন্দা হন্দোকপা লাইরিকশিং, য়ুনিভার্সিতিগী রিসার্ছ থেসিস, দিজার্তেসন, ক্রিতিসিজমগী ফোঙলবা লাইরিক ওইগদবনি। ইং ২০০৯ দগীনা ইং ২০২৩ ফাওবগী মনুং দা অহানবা ওইনা ফোঙবা অইবা মশাগী অফবা ৱাখল, মীৎয়েং য়াওবা লাইরিকশিং ওইগদবনি। অইবা অমনা মান্নদবা মখলগী লাইরিকশিংদা এৱার্দ অসি অহুম্লক হন্না ফংবসু য়াগনি।

এৱার্দ অসিদা শেল ওইনা লুপা লীশীং ২০ গা লোয়ননা সাইতেসন অমা অমসুং লেংয়ান ফি অমা য়াওগনি। লাইরিকশিং অদু নহারোল সাহিত্য প্রেমী সমিতিগী সিতি ওফিস, মণিপুর আয়ুশ দিস্ত্রিব্যুতর রিমস রোদ (ববিনা দাইগনোস্তিক মনাক), নেসনেল হোমিও ক্লিনিক এন্দ ফার্মাসি থাঙ্গাল বাজার ইম্ফাল, পোক্নফম পাউ-চে নত্ত্রগা পিপলস ক্রোনিকলগী ওফিসতা থেংলবদা ওক্তোবর ৩১ ফাওবদা য়ৌহল্লক্নবা খঙহল্লি।

সোর্স: পোক্নফম