আসামদা মীতৈ ময়েক ডিপ্লোমা কোর্স তম্বা হৌখ্রে
আগরতলা, জুন ১০ : খঙদবা য়াদ্রবা তমদবা য়াদ্রবা মীতৈ ময়েক খঙহনবগা লোয়ননা আসামদা চহী অমগী ডিপ্লোমা কোর্স তম্বা হৌখ্রে। চৎখিবা জনুয়ারি থাদা বীনাকান্দিদা মহৈরোয় ৫৫ য়াওনা মীতৈ ময়েক ডিপ্লোমা কোর্স তম্বা হৌখ্রে। মথং মে থাদা পয়লা পুলদা মহৈরোই ৬০ ডিপ্লোমা কোর্স তম্বা হৌখি।
চৎখিবা জুন ৪, মীতৈ ইরোল ইয়েক লোইনশিল্লোল অপুনবা লুপ (মিলাল) আসাম পানানা শীন্দুনা রংপুর সদরঘাট শিলচরদা মহৈরোই ৩০ য়াওনা চহী অমগী মীতৈ ময়েক্কী ডিপ্লোমা কোর্স তম্বগী থৌরম পাঙথোকখ্রে। মীতৈ ময়েক তম্বা হৌদোকপগী থৌরম অদুদা লুচিংপুরেন শেরাম হেরাজিৎ অমসুং হাওবম দিলীপ, থিয়েটার এক্টিভিষ্ট সমর লুৱাং, মাইফাগী প্রেসিডেন্ট থাংজম ব্রজেন্দ্র নচিংবা মীওইশিং শরুক য়াখি।
মীতৈ ময়েক্কী ডিপ্লোমা কোর্স তম্বগী থৌরম পাঙথোপপগী মতাং অমা
ঐখোয়না ইশাগী ইয়েকনা তম্বা ফংবসি চাওথোকনিঙাইনি হায়না অপেনবা শেরাম হেরাজিৎনা ফোঙদোকখি। মহাক্না হৌজিক্কী মীরোলনা খঙদবা য়াদ্রবা তমদবা য়াদ্রবা ময়েক অমা ওইবনা আসামদা খুন্দারিবা মফম খুদিংদা ময়েক খঙহন্নবা হোৎনগনি হায়বা ৱাফমসু ফোঙদোকখি। থিয়েটার এক্টিভিষ্ট সমর লুৱাংনা ঐখোয় পুম্নমক মীতৈ ময়েক খঙমিন্নবা মথৌ তারে হায়খি। মাইফা প্রেসিডেন্ট থাংজম ব্রজেননা মতমগী অহোংবা লাকপসিদা তুংগী মীরোলগী দমক খন্দুনা ঐখোয়গী ইয়েক খঙবসি তঙায়ফদে হায়খি।
সোর্স: মরূপ
0 কমেন্ট:
কমেন্ট তৌবিয়ু