image

২৩ শুবা অরাম্বম সোমোরেন্দ্র মার্টিরদোম এন্নিবর্সরিগী থৌরম পাঙথোকখ্রে

ইম্ফাল, জুন ১১ : দ অরাম্বম সোমোরেন্দ্র মেমোরিয়েল, ট্রাষ্ট, ইম্ফাল অমসুং সোসিয়েল ষ্টেন্দার্দ ক্লাবনা শীন্দুনা ২৩ শুবা অরাম্বম সোমোরেন্দ্র মার্টিরদোম এন্নিবর্সরিগী থৌরম অমা ঙরাং খুরাই নান্দৈবম লৈকাই সলান্থোংগী সোসিয়েল ষ্টেন্দার্দ ক্লাবতা পাঙথোকখ্রে।

থৌরম অসিগা মরী লৈননা সোসিয়েল এক্টিভিষ্ট আর কে মেঘেননা হায়, লৈখিদ্রবা লময়ানবা অরাম্বম সোমোরেন্দ্রনা হিংলিঙৈ মতমদা শিংথাবা য়াবা থবকশিংদি লমদম অসিদা খুন্দারিবা ফুরুপ কয়া পুনশিন্নদুনা নুংশি চানবা পুরক্নবা কন্না হোৎনরম্মী।

মমাঙঙৈদা লৈবাক অসি নিংখা তম্না লৈরম্বা লৈবাক অমা ওইরম্বনা অমুক নিংখা তম্বা লৈবাক অমা অমুক ওইরক্নবা অকনবা য়াওল অমা শাগৎলম্বা মীশক অমনি।  লমদম অসিদা ফুরুপ কয়া পুন্না নুংশি চানবা পুরক্নবা হোৎনবদা অচৌবা থৌদাং কয়া লৌরম্মী। লময়ানবা অসি অদুক্কী মতিক মাইথোং য়াম্বা, হিরম খুদিংমক্তা খঙ হৈবা অথৌবা অমনি। অসিদসু নত্তনা য়াওল ঈহৌ শাগৎলম্বতা নত্তনা ঈশৈ, নোংমৈ অমদি লীলাদা অচৌবা ইথিল অমা পুরকখিবা মীশক অমনি।

মতম অদুদা মহাক্না ইরম্বা লীলাগী স্ক্রিপ্তশিংদা খুনাই অসিদা অওনবা খুনাই অমা ওইনবা মেসেজ পীরম্মী। ঙসি অমুক নৌহৌননা লময়ানবা অসিনা খল্লম্বা ৱাখল্লোনশিং য়েনিং চোংবা ওইরসনু। লোয়ননা মীরোলনা মহাক্কী ৱাখল্লোন মতুং ইন্না হোৎনসি হায়খি। লময়ানবা অরাম্বম সোমোরেন্দ্র অসিগী মীতমদা লৈশু কৎপগা লোয়ননা মিনিটি ২ তুমিন্না লেপ্তুনা ইকায়খুম্নবা উৎখি।

 সোর্স: সঙাই এক্সপ্রেস

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু