ইম্ফাল, ওক্তোবর ২৮ : মীলাল (মীতৈ ইরোল ইয়েক লোয়নশিল্লোন অপূনবা লূপ) কংলৈপাক্না হৌখিবা চহী অসিগী সেপ্তেম্বর ২৪দা স্তেতকী থাক্তা পাঙথোকখিবা মহৈরোয়শিং গী ওইবা ১৭ শুবা মীতৈ ময়েক অথোই-অহেন চাংদম্নখিবা অদুগী মকোক মথং তাখ্রবশিংগী মমিং লাউথোকখ্রে।  

ঙসি মীলালগী ওফিসতা পাঙথোকখিবা পাউগী মীফম অমদা লূপ অসিগী ৱার্কিং প্রেসিদেন্ত সাদোকপম তোম্বা মঙাংনা হায়, ক্লাস ৱান-তেন ফাওবদা কেতেগোরি মঙা থোক্না জিরিবাম য়াওনা তম্পাক্কী দিস্ত্রিক্তশিংদগী মহৈরোয় ৮৪৩৯ শরুক য়াদুনা সেন্তর ৩০দা পাঙথোকখিবা মীতৈ ময়েক চাংদম্নবগী থৌরম অদুদা পূন্না মহৈরোয় ৮৪৩৯ না শরুক য়াখি।

অহানবা কেতেগোরি (ক্লাস ৱান-তু) গীদা ফার্স্ত প্রাইজদা মহৈরোয় ৫, সেকেন্দ প্রাইজদা মহৈরোয় ৯, থার্দ প্রাইজদা মহৈরোয় ৭ কা লোয়ননা কন্সোলেসন প্রাইজ ওইনা মহৈরোয় ১২ দা মনা পীরগনি। অনীশুবা কেতেগোরি (ক্লাস থ্রী-ফোর) গীদা ফার্স্ত প্রাইজ দা মহৈরোয় ৮, সেকেন্দ প্রাইজদা মহৈরোয় ৮, থার্দ প্রাইজদা মহৈরোয় ৮ অমসুং কন্সোলেসন প্রাইজ ওইনা মহৈরোয় ১৫দা মনা পীরগনি। অহুমশুবা কেতেগোরি (ক্লাস ফাইব-সিক্স) গীদা ফার্স্ত প্রাইজদা মহৈরোয় ১, সেকেন্দ প্রাইজদা মহৈরোয় ৪, থার্দ প্রাইজদা মহৈরোয় ৪ অমসুং কন্সোলেসন প্রাইজ দা মহৈরোয় ১৬ খল্লে।

ক্লাস সেভেন-আইতকীদা ফার্স্ত প্রাইজদা মহৈরোয় ৪, সেকেন্দ প্রাইজদা মহৈরোয় ৫, থার্দ প্রাইজদা মহৈরোয় ৫ অমদি কন্সোলেসন্দা মহৈরোয় ১২ খল্লে। ক্লাস নাইন-তেনগী কেতেগোরিদা ফার্স্ত প্রাইজ দা মহৈরোয় ৩, সেকেন্দ প্রাইজদা মহৈরোয় ৫, থার্দ প্রাইজদা মহৈরোয় ৬ লোয়ননা কন্সোলেসন প্রাইজদা মহৈরোয় ১২ য়াওনা পূন্না মহৈরোয় ১৪৩ দা মনা পীরগনি।

মকোক মথং তারবা অমদি মায় পাক্লবা মহৈরোয়শিংদা প্রাইজ য়েন্থোকপগী থৌরম অসি লাক্লিবা ২০২৪ গী জানুয়ারী ২২, মীয়ামগী লুচিংপুরেল অমদি মতমদুগী মীলালগী প্রেসিদেন্ত ওইরম্বা লৈখিদ্রবা চিংশুবম অকাবগী লৈখিদবগী নুমিত্তা লাইনিংথৌ সনামহি তেম্পল বোর্দতা য়েন্থোক্লগনি।

কনাগুম্বা মহৈরোয় নৎত্রগা মমা-মপাশিংনা কম্পিতিসন অসিদা শোয়দনা প্রাইজ ফংগনি খল্লগা ফংদবশিংনা ঙসিদগী থারগা নুমিৎ তরানিগী মনুংদা ৱাকৎলকপা য়াগনি। অকূপ্পা মরোলগীদমক ফোন নম্বর ৯৭৭৪২৭৫১৩৮ অমদি মীলালগী ময়াই লোইশঙদগী খঙবা য়াগনি হায়না তোম্বা মঙাংনা ফোঙদোকখি।

সোর্স: পোক্নফম