ইম্ফাল, ১৮ সেপ্টেম্বর :পার্লিয়ামেন্টকী মার্সেলশিংদা মীতৈগী সলাই তরেৎকী কোকয়েৎ য়েৎহনবা হায়বসি মীতৈ ফূরুপ্পু থাঙ্গৎলিব্রা হায়বা ৱাহং হংলদুনা কোকয়েৎ অসি য়েৎলগা পার্লিয়ামেন্টতা চা পুথোরকপদা ঐখোয় হরাওগদ্রা হায়না মণিপুর পন্দিট লোয়শঙ মরু লোয়শঙনা হংখ্রে।

প্রেস ক্লাবতা পাউমীশিংগা উনবদা পন্দিট লোয়শঙগী মায়চৌ ঙারিয়াম্বম খোম্বন হায়, সলাই তরেৎকী কোকয়েৎ হায়বসিগা মার্সেল হায়বসিগা নৈনরগা য়েংবীয়ু। মখোয়গী থৌগলগীদমক্তা লৈরিবা মীওইশিংদুনা মীতৈগী সলাই তরেৎকী কোকয়েৎ য়েৎলগা থোঙ হাংদোক হাংজিন তৌরকপা, কারগী থোঙ হাংদোকপা, চৌক্রি শেমজিল্লকপা, চা পুথোক পুশিন তৌবদুনা ঐখোয়গী কলচর কদাই য়ৌনা চিংথখ্রবগে। বরগী কোকয়েৎ, মনা কোকয়েৎ, সলাই কোকয়েৎ, নিংথৌ কোকয়েৎকী মতিক ময়াইসি মাগী মাগী মফমশিং চাউনা কন্দুনা লৈরিবনি। ফাইভ ষ্টার হোটেলদা চা পুথোকপা অমসুং চানবা থাংদোক থাংজিন তৌবদা শীজিন্নরগদি চাওখৎলে হায়না লৌগদ্রা হংখি।

                    প্রাইম মিনিষ্টর নরেন্দ্র মোদী

মী মরক্তগী অথোইবা অমসুং লাইগী ঙমথংদা লৈবশিংনা কোকয়েৎ য়েৎলি। প্রাইম মিনিষ্টরদা খুদোলপোৎ ওইনা পীদুনা মহাক্না উপ্পদি য়াই। মতিক ময়াই লৈরবা, মীথোই মীহেনবদা উপ্পনি, ফোটো থাগৎনরকখিবা কোকয়েৎ অদুদি মী অমনা হেক্তা শীজিন্নবা য়াবা নত্তে, মীথোই মীহৈনবশিংগী খক্তনি। মরম অসিনা থৌওং অসি মণিপুর পন্দিট লোয়শঙনা য়াবা ঙম্লোই। তোঙানবা কোকয়েৎ অমদা ইচম চম্বা দিজাইন তৌরগা শেম্বা কোকয়েৎ শীজিন্নবদি করিসু কায়দে অদুবু মীথোই মীহেল্লবা, তোমথিন ঙাল্লবা মীদা য়েৎকদবা কোকয়েৎ অদু ফোটোগা কোন্ননা শীজিন্নগনি হায়না থাগৎলক্লিবা অসিদি য়াবা ঙম্লোই। পার্লিয়ামেন্ট মীফমদা প্রেসিদেন্ট অমসুং প্রাইম মিনিষ্টারনা য়েৎলগা ফমগনি হায়রবদি য়াই। মরম অসিনা মীয়াম্না ৱাখল তাবা মতম ওইরে হায়খি।
সোর্স: হুইয়েন লানপাউ