আপডেট:
image

মাস মিস কোল কেম্পেনগী আউতকম অমসুং রিকম্মেন্দেসন লাইরিক ওইনা ফোঙখ্রে

ইম্ফাল, মে ২২ : মীতৈ/মৈতৈবু এস তি লিস্ততা চলহনগদবনি হায়বা দিমান্দ অসিগা মরী লৈননা মমাঙ চহীদা চত্থখিবা ‘মাস মিস কোল কেম্পেন’ গী আউতকম অমসুং রিকম্মেন্দেসন ঙসি লাইরিক ওইনা ফোঙখ্রে।

মীতৈ/মৈতৈবু এস তি লিস্ততা চলহন্নবগীদমক্তা স্তেত গবর্নমেন্তনা সেন্ত্রেল গবর্নমেন্ততা থাফম থোকপা রিকম্মেন্দেসন অথুবদা থাবীয়ু হায়না দিমান্দ তৌরিবা লূপশিংগী মহুৎ শিন্দুনা কংলৈপাক কনবা লূপকী সেক্রেতরি জেনরেল লুৱাংচা য়ুঙমখৈলাকপনা ফোঙদোকখ্রে।

ঙসি মণিপুর প্রেস ক্লবতা ‘দি আউতকম এন্দ রিকমেন্দেসন ওব দি মাস মিসকোল কেম্পেন ২০২৩ ফোর মীতৈ সেদ্যুল ত্রাইব স্তেতস’ মিংথোনবা লাইরিক অদু ফোঙখিবগা লোয়ননা পাঙথোকখিবা পাউগী মীফম অমদা লুৱাংচা য়ু ঙমখৈলাকপনা হায়, ৱার্ল্ড মীতৈ কাউন্সিল, কংলৈপাক কনবা লুপ, মৈতৈ য়াইফ লুপ (য়ুরোপ), মৈতৈ দাইস্পোরা (য়ু এস এ), গ্লোবেল মণিপুর ফেদরেসন, সলাই কনবা লুপ, মীতৈ (মৈতৈ) ত্রাইব য়ুনিয়ন অমসুং এস তি দি সিনা অমত্তা ওইনা ইন্দিয়ান কনস্তিত্যুসন্না পীরিবা এস তি গী ঙাক্লৌ অসি মৈতৈগীদমক্তা লৌবা তঙাই ফদ্রে হায়বসিদা মীয়ামগী ওইবা ৱাখল্লোন লৌনবা কেম্পেন অসি পাঙথোকমিন্নখি।

মহাক্না হায়, নভেম্বর ২১ দগী দিসেম্বর ৩১ ফাওবা নুমিৎ ৪০ নি চুপ্পা পাঙথোকখিবা কেম্পেন অসিদা চাউরাক্না মী লাক্ষ ১০গী মথক্তা রেস্পোন্স লাক্তুনা মায় পাক্না লোইশিনখি। কেম্পেন অসিদা পাব্লিক্না পীরকখিবা মেন্দেতকী মতুং ইন্না মৈতৈগী অমত্তা ঙাইরবা ঙাক্লৌ অসি কনস্তিত্যুসন্না পীরিবা এস তি অসিনা ওই হায়বসি অমত্তা ওইনা য়ানখি। য়ানখিবা ৱাফম অসিগী মপূং ফাবা ডাটাশিং খোমজিন্দুনা ঙসি লাইরিক ওইনা পোঙবনি। লাইরিক অসি ঙসিমক সি এমগী মফমদসু খূৎশিন্নগনি।

মহাক্না মখা তানা হায়, হৌজিক লৈরিবা মৈতৈগী স্তেতস অসি অদুক্কী মতিক য়াম্না খুদোংচদ্রবা ফীবম অমদা লৈরবনি। অদুবু ঐখোয় হিংদবা য়াদে হায়বা মিসন অসিদা এস তি অসিনা অমত্তা ঙায়রবা সোলুসন্নি। মণিপুর গবর্নমেন্তনা ঙসি ফাওবা সেন্তরদা থাদনা লৈরিবা ময়াম্নসু য়ারবা অমসুং তঙাই ফদবা অমা ওইরবা এস তি স্তেতস অসি ফংনবগী রিকম্মেন্দেসন অদু অথুবদা খন্নবীদুনা থাবীয়ু।

মীতৈ/মৈতৈনা এস তি স্তেতস ফংনবা হোৎনরিবা অসিদা অয়েৎপা পীরিবশিংনা পামদ্রিবা এরিয়া অদু করিনো হায়বদু গবর্নমেন্তগা পূন্না ফম্মিন্নদুনা শেংদোক শেংজিন তৌবীদুনা অমত্তা ওইনা য়ানবা ৱাফম অদু মতম চানা সেন্তরদা থাবীয়ু। ইন্দিয়া গবর্নমেন্তনা লৌখৎফম থোকপা খোঙথাংশিং লৌখৎহনবদা স্তেত গবর্নমেন্তনা থৌদাং লৌবীয়ু হায়না ঙমখৈলাকপনা ফোঙদোকখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: