মপোক কুমওন পাঙথোক্তুনা এৱার্দশিংসু য়েন্থোকখ্রে
থৌবাল, সেপ্টেম্বর ২৫ : চহী অমা চুপ্না পাঙথোক্কদবা ভারত রত্ন ডাক্তর ভিম রাও অম্বেদকরগী ১৩২ শুবা মপোক কুমওন থৌরমগী পালন থৌরম পাঙথোকপগা লোয়ননা তোঙান তোঙানবা লমশিংদা থোইদোক হেন্দোক্না মথৌ পাংলিবশিংবু মখোয়গী শিন্থাশিং অদুবু শক খঙবীবা নেসনেলগী থাক্তা এৱার্দ য়েন্থোক্তুনা ইকায়খুম্নবা উৎপগী থৌরম অমা ঙরাং আগরতলাগী সুপারি বাগানদা লৈবা দশরথ দেব মেমোরিয়েল ওদিটোরিয়ামদা পাঙথোকখ্রে।
ভারতিয় দলিত সাহিত্য মণিপুরনা আগরতলাদা লৈবা সোসিও কালচার ওর্গানাইজেসন অমা ওইরিবা লময়ানবগা খুৎশম্ননা শিন্দুনা পাঙথোকখিবা থৌরম অদুদা ভেনুভান বুধ ভিহারা, কুঞ্জবন, আগরতলাগী ইনকমবেন্ট বেন, খেমাচরনা অথোইবা মীথুং, লময়ানবগী প্রেসিদেন্ট এন প্রোফুল্ল বিজয়না থৌরম মপু অদুগা হরিনাথঝা সঙ্গিত নাটক একাডেমি, নোর্থ ইস্ট সেন্টর, আগরতলাগী প্রোজেক্ট ডাইরেক্তর হরিনাথ ঝা অমসুং ভারিতয় দলিত সাহিত্য একাদিম নিউ দিল্লীগী নেসনেল সেক্রেটারি গ্লোবেল কোরোনা ৱারিয়ার এৱার্দ কম্মিটি, ভারতকী একাদেমি নিউ দিল্লীগী নেসনেল সেক্রেটারি, গ্লোবেল কোরোনা ৱারিয়ার এৱার্দ কম্মিটি, ভারতকী কনভেনর ডাক্তর মহেন্দ্রকুমারনা অখন্নবা মীথুংলেনশিং ওইনা শরুক য়াখি।
ডাক্তর বিআর অম্বেদকরনা সংবিধান্দা ইরমদ্রবদি ঙসিসু তোল্লবা জাতিশিং অৱাবা তারমগনি মাগী মরমনা ঙসি এসসি, এসটি, ওবিসিগী খুদোংচাবসি ফংলিবসিনি হায়না আগরতলা বেনুবন বিহারীগী থৌবুপরেন ভেন, খেমাচরননা ফোঙদোকখ্রে।
আগরতলা দশরথ দেব মেমোরিয়েল ওদিটোরিয়ামদা পাঙথোকখিবা ডাক্তর বিআর অম্বেদকরকী ১৩২ শুবা মপোক কুমওনগা মরী লৈননা নেসনেল এৱার্দ লান্থোকপগী থৌরমদা চীফ গেষ্ট ওইনা শরুক য়াদুনা ৱাফম অসি ফোঙলদুনা হায়খি। ঙসিসু অৱাং নোংপোক্তা ডাক্তর অম্বেদকরবু মশক খঙদ্রি এসতি এসসি ওবিসিশিংনা মাগী মাগী নুমিৎ পালন তৌবীদে হায়না নুংনাংবা ফোঙদোকখি।
থৌরম অসিগা মরী লৈননা তোঙান তোঙানবা লমদা মশক খঙলবা ত্রিপুরাগী মীওই ৩৫ বু ডাক্তর বিআর অম্বেদকর নেসনেল এৱার্দ ২০২৩ পীদুনা ইকায়খুম্নখি। নেসনেল এৱার্দ পীদুনা ইকায়খুম্নবা উৎখ্রবশিং অমদি আর্ট এন্দ কালচারদা কেঐচ জাশ্বি সিংহা, স্বায়ম দেব, এ সরিৎ সিংহা, কেঐচ অনিমা সিংহ, বাইশালি শর্ম্মা, তি অমরিত দত্ত, পুর্নিমা সিংহা, এল আশা সিংহ, সুশমিতা বনিক, পপারি চক্রবর্তি, রঞ্জিৎ সিংহ, পরিতুষ দাস, ঐচ হেনারানি সিংহ, সুদেষ্না সিনহা, ডাক্তর সুরজিৎ দেববর্মা, কুহেলিকা বাসু, তাপস আচার্জি অমসুং সোনচরন দেববর্মা, আর্ট এন্দ ক্রাফ্টতা রুবি দে, এদুকেসন্দা কেঐচ উত্তরা সিংহনা, মার্সিয়েল আর্টতা মনাশি রাজকুমারী, মনাসজিৎ রাজকুমার অমসুং মুতুম থোইবীমচা চনু লিটরেচরদা কেএসঐচ বেনুবালা সিংহ, কেঐচ সরিতা সিংহা, থাইলো সোহম ডাক্তর মেরি সনা রাজকুমারী অমসুং ৱাহেংবম নিমাইচান্দ, এগ্রিকালচারদা তি সুমন দত্ত, সোসিয়েল ৱার্কারদা পিঐচ দেবাশিষ সিংহ অমসুং খাগোকপম খম্বা, সোসিয়েল এক্টিভিষ্টতা এন মদন গুপ্তা অমসুং প্রান্তিকা চাকমা অমদি রিপোর্টারদা শ্যামল চৌধুরীনি।
পনবা য়াবদি হৌখিাব চহীশিংদগী হন্দক চহী ২০২৩ দনা ডাক্তর অম্বেদকর নেসনেল এৱার্দ ফংবা মশিং ইয়াম য়াম্লি। পুন্না মীওই ৩৫ এৱার্দ ফংবগী মনুংদা মৈতৈ মচা ২০ হেন্নাসু য়াওরি অমদি হান্নসু ডাক্তর অম্বেদকর নেসনেল ফেল্লোশিপ ফংবা মৈতৈ মচা কয়া অমসু লৈখ্রে। থৌরমগা মরী লৈননা নাৎকী ওইবা থৌরমশিং অমদি অইবা থাংজম রথিন্দ্রনা মোদরেটর ওইদুনা মশক নাইরবা নাইরবী অইবা অইবী কয়ানা শরুক য়াদুনা শৈরেং শৈদিন্নবগী থৌরম পাঙথোকখি হায়রি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু