আপডেট:
image

মণিপুর পিপলস ফ্রন্ট, আসামনা শীন্দুনা ২ শুবা এনুয়েল জেনারেল কনফারেন্স পাঙথোকখ্রে

ইম্ফাল, জানুয়ারি ১৫ : মণিপুর পিপলস ফ্রন্ট (এম পি এফ), আসামনা শীন্দুনা অনীশুবা এনুয়েল জেনারেল কনফারেন্স অমা ঙসি সিলচরগী বোষ্টেক (দোন বোস্কো টেক্নিকেল স্কুল) দা পাঙথোকখ্রে হায়না ইন্সটিট্যুট ওফ দিভেলপমেন্ট ষ্টাদিজ (আই দি এস), ইম্ফালগী ইনফোর্মেসন এন্দ পাব্লিসিটি সেক্রেটারি য়ূম্নাম লক্সমনগী চেরোল অমনা ফোঙদোরক্লি।

ঙসিগী থৌরম অসিদা ইন্সটিট্যুট ওফ দিভেলপমেন্ট ষ্টাদিজ গী চেয়ারপার্সন প্রোফেসর এন মোহেন্দ্রনা অথোইবা মীথুংলেন ওইরদুনা মপাঙ্গল কনবা খুন্নাই অমা হায়বসিগী ৱাহন্থোক্তি মসিগী অচেৎপা চাওখৎপগী য়ূম্ফম লৈজবদুনি অদুগা মপাঙ্গল কল্লবা সোসাইটি অমা হায়বসিনা অমগা অমগা থাজনবা অমসুং খুন্নাই অমগী অয়াম্বা মীওইশিংগী মরক্তা ৱাখল মপূং ফানা লৈবদগী ওইহল্লক্কদবনি হায়না ফোঙদোকখ্রে হায়রি।

এম পি এপকী প্রেসিদেন্ট য়েংখোম উপেন্দ্রনা কনফারেন্স অসিগী চেয়ারমেন ওইখিবগা লোয়ননা থাংজম এগ্রো ইন্দাষ্ট্রিজ প্রাইভেট লিমিটদেকী মেনেজিং দিরেক্টর থাংজম জয়কুমার, অইবা তাহির শাবাবম, করিমগঞ্জগী এসিষ্টেন্ট কম্মিশনার কাম এগজিক্যুটিভ মেজিষ্ট্রেট প্রিয়াঙ্কা য়ুম্নাম, আসাম লৈঙাক্কী মণিপুরী দিভলপমেন্ট কাউন্সিলগী চেয়ারপার্সন অমসুং সিলচরগী এসিষ্টেন্ট কমিশনার কাম এগজিক্যুটিভ মেঝিষ্ট্রেটসু থৌরম অসিদা অখন্নবা মীথুংলেনশিং ওইনা শরুক য়াখি।

কনফারেন্স অসিদা এম এল পি সী সীগী কনভিনর অশাংবম স্বপন সিংহ, ওল আসাম সোক্কার ফুটসাল এসোসিয়েসনগী জেনারেল সেক্রেটারি ঙাঙোম ব্রজকিশোর সিংহনা ৱাঙাংলোইশিং ওইনা শরুক য়াখি হায়রি। ৱাঙাঙলোইশিংনা মণিপুর অমসুং আসামদা লৈরিবা মণিপুরীশিংগী মরী হেন্না চেৎশিনহনবগা লোয়ননা খুমাঙ য়াঙনা চাওখৎমিন্ননবা ৱাফমশিং ফোঙদোক্নখি হায়রি।

সোর্স: হুইয়েন লানপাউ.    

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু