মণিপুরী য়ুথস ফ্রন্ট, আসামনা য়ূম্নাম প্রিয়াঙ্কা তরাম্না ওকখ্রে
ইম্ফাল, অক্টোবর ২৩ : হন্দক আসাম পাব্লিক সার্ভিস কমিশন (এ পি এস সী) না লৌদুনা পাঙথোকখিবা কম্বাইন্দ কম্পিটিটিভ এগজামিনেসন, ২০২০ দা ৯২ শুবা রেঙ্কতা মায় পাক্লখখ্রবী য়ূম্নাম প্রিয়াঙ্কাবু মণিপুরী য়ুথস ফ্রন্ট ওব আসাম (এম ৱাই এফ এ) না পৈলাপুলদা লৈবা মশাগী য়ূমদা তরাম্না ওক্তুনা পূক্নিং থৌগৎপগী থৌরম পাঙথোকখ্রে।
মহাকপু তরাম্না ওকপগী থৌরম অদুদা ফ্রন্ট অসিগী প্রেসিদেন্ট থাংজম ব্রোজেন, সেক্রেটারি জেনারেল সোরাম থোইবা, ফ্রন্ট অসিগী লক্ষিপুর ব্রাঞ্চকী জেনারেল সেক্রেটারি ইঙুদম রঞ্জিৎ, এদভাইজর সেরাম হেরাজিৎ অমসুং য়ুনাইটেদ য়ুথস ক্লাব বিনাকান্দি পার্ট-১ গী প্রেসিদেন্ট হাওবম রঞ্জিৎসু শরুক য়াখি।
থৌরম অদুদা ফ্রন্টকী মায়কৈদগী য়ূম্নাম প্রিয়াঙ্কাদা লেংয়ান ফি অমা অমসুং লৈ খুদোল তমখি। অদুগা য়ুনাইটেদ য়ুথস ক্লাবকী প্রেসিদেন্ট হাওবম রঞ্জিৎনসু লেংয়ান ফি অমা য়ানবীদুনা ইকায়খুম্নবা উৎখিবগা লোয়ননা মহাক্কী পুন্সিদা তেক্তা কায়দনা নুংঙাই য়াইফবা মীয়ামগী থৌগল তৌবা ফংহনবীয়ু হায়না মপুগী মফমদা থৌনিজখি।
সোর্স: হুইয়েন লানপাউ।
0 কমেন্ট:
কমেন্ট তৌবিয়ু