মণিপুরী চনুরা খোর্জৈ লূপকী মপোক কুমওন পাঙথোকখ্রে
ইম্ফাল, ফেব্রুয়ারি ৬ : মণিপুরী চনুরা খোর্জৈ লূপ (মচাখোল), কছার লক্ষিপুরগী ১০ শুবা মপোক কুমওন ঙশি বিন্নাকান্দি পার্ত-২ দা লৈবা সাউথ বরাক কমপ্লেক্সতা ঙসি পাঙথোকখ্রে।
জিরি অমদি কাছার আসামগী অইবা-অইবী কয়ানা শরুক য়াদুনা পাঙথোকখিবা থৌরম অদুদা মণিপুরী সাহিত্য পরিষদ, আসামগী ভাইস প্রেসিদেন্ত এনজি বসন্ত কুমারনা চীফ গেস্ত, মচাখোলগী প্রেসিদেন্ত সৌবম ওংবী জয়ন্তি দেবীনা প্রেসিদেন্ত, মণিপুরী এদভাইজরি বোর্দ, সাহিত্য একাদেমি, নিউ দিল্লীগী মেম্বার দাঃ কে এন চান্দ, নেহেরু কলেজ পয়লাপুলগী রিতয়ার্দ প্রোফেসার জি নরহরি শর্ম্মা, অইবা ইঙুদম সতিসচন্দ্র সিংহ, সোসিয়েল এক্তিভিস্ত নামৈরাকপম বুধচন্দ্র সিংহ অমসুং অইবা সিঐচ মোহন সিংহনা গেস্ত ওব ওনর ওইখি।
থৌরম অদুদা নামৈরাকপম বুধচন্দ্র সিংহনা হায়, ঐখোয়না কলম অমা পায়রগা হেক্তা ইবা য়াবা নত্তে। তাইবং মপুগী থৌজাল চঙই। অইবা-অইবশিং তাইবং শেম্বা মপুনা পীথোরক্লবা, তাইবং শেম্বা মপুনা মতেঙ পাংলবা মীশিংনি। অইবা-অইবশিংগী খুদোলনা ঐখোয়না কান্নরবা ৱাফম কয়া খঙবা ঙম্লীবনি।
‘শিঙেল নাচোম’ কৌবা চেফোঙ অমগী অহানবা ভোলুম অমসুং অহানবা ইসু ফোঙদোকখিবা
থৌরমগা মরী লৈননা জিরিদগী অইবা এস ইবোতোন সিংহ, সরত থোকচোম অমদি কাছারদগী য়েন্দ্রেবম কুঞ্জলাল অমসু ইরেংবম প্রভাবতিনা ৱাফম কয়া ফোঙদোকখি। থৌরমগী মনুংচন্না মণিপুরী চনুরা খোর্জৈ লূপ্না পুথোকপা ‘শিঙেল নাচোম’ কৌবা চেফোঙ অমগী অহানবা ভোলুম অমসুং অহানবা ইসু মীয়ামদা খূৎশিন্নখি। নুংথিলগী সেসন্দা জিরি অমদি কাছারগী অইবশিংগী শৈরেং শৈদিন্নখি।
সোর্স: পোক্নফম
0 কমেন্ট:
কমেন্ট তৌবিয়ু