ইম্ফাল, জুলাই ৯ : কর্নাটকাগী বেলরিদা পাঙথোকপা নেসনেল কেডেত জুদো চেম্পিয়নশিপ ২০২৩-২৪ দা শরুক য়াখিবা মণিপুরগী নুপী তিমনা গোল্ড ৪, সিলভার ২, ব্রোঞ্জ ৪ ফংলগা তিম চেম্পিয়ন ওইখ্রে।

নেসনেল জুদো চেম্পিয়নশিপ অসিদা কেজি ৬৩গীদা গোল্ড মেদল ফংখিবী ময়াং ইম্ফাল থানাদগী লিন্থৌই চনম্বমনা বেস্ত জুদোকাগী টাইটেল ফংখি।

নুপীগী শান্নখিবা কেজি ৫২ গী কাঙলুপ্তা এল নুংশিথোই অমসুং কেজি ৭০গীদা এনজি দিপাপতিনা গোল্ড মেদল ফংখি। কেজি ৪৪গীদা ঐচ ওলিভিয়া, কেজি ৪৮গীদা টিঐচ মালোতিনা সিলভার মেদেল, অদুগা কেজি ৫৭গীদা ঐচ রোনিনা ব্রোঞ্জ মেদল ফংখি। জুদোকা ৮ না শাবা মণিপুরগী নুপী জুদো টিম অসি কোচ এ রাশেশ্বরী চনুনা লুচিংখি।

মণিপুরগী হৌজিক ওইরিবা ফিভম অসিদা মণিপুর জুদো এসোসিয়েসন্না শীন্দুনা শেমখিবা নুপাগী কেদেত তিমনা গোল্ড অমা, ব্রোঞ্জ ৩ লৌবা ঙমখি। কেজি ৫০গীদা টিঐচ চীঙ্খৈঙানবা, কেজি ৫৫গীদা ৱাই য়োহেনবা, কেজি ৬০গীদা টিঐচ সুরজ অমসুং কেজি ৬৬ গীদা এম ৱাংথোইনা গোল্ড মেদল ফঙখি।

নুপা জুদো তিম অসিগী কোজনা থোকচোম অথোইবা অদুগা মেনেজারনা এম সনাথোইনা ওইখিবনি। পুন্না নুপা জুদোকা তরেৎনা তোঙান তোঙানবা ওয়েট কেটাগরিশিংদা অথোই অহেন তান্নখিবদা গোল্ড অমা, ব্রোঞ্জ ৩ ফংবা ঙমখিবনি।

সোর্স: পোক্নফম