মঙলানদা পীরম্মী শৈরেং লাইরিক ফোঙখ্রে
ইম্ফাল, অক্টোবর ১৬ : কুম্বী ম্যুনিসিপাল কাউন্সীল ৱার্দ নম্বর ৯গী মনুং চন্না কুম্বী তেরাখাদা লৈবা লাইনিংথৌ সনথোং খোংবু মঙাগী হরাওবুং থেলদা পোইরৈ কুমহৌ খোর্জৈ লূপ, কুম্বীগী অহুমশুবা ফাউন্দেসন দেগী থৌরমগা মরী লৈননা লূপ অসিগী ট্রেজারার (কেসিয়ার) সু ওইরিবী কুম্বী ঈশিংচাইবা লৈকায়দা লৈবী থোইবী ৱাহেংবমনা ইবা `মঙলানদা পীরম্মী' কৌবা শৈরেং ৭২ য়াওবা শৈরেং লাইরিক অমা ফোঙখ্রে।
মণিপুরগী তোঙান তোঙানবা মফম কয়াগী অইবা-অইবীশিংনা শরুক য়াদুনা পাঙথোকখিবা থৌরম অদুদা চকপীকারোংগী এস দি ও চিরোম সমরেন্দ্রোনা অথোইবা মীথুংলেন, পোইরৈ কুমহৌ খোর্জৈ লূপ কুম্বীগী প্রেসিদেন্ট ৱাহেংবম য়াইমনা থৌরম মপু অমদি অথোইবা লেংবীরকপা ওইনা কুম্বী ম্যুনিসিপাল কাউন্সীলগী এগজিক্যুটিব ওফিসার মোইরাংথেম ইনাওবী, এক্সট্রা ইজ হায়ার সেকেন্দারি স্কুলগী কো-ফাউন্দার ৱাংখেম সোভা অমদি কুম্বী ম্যুনিসিপাল কাউন্সীলগী ফোর্মার ভাইস চেয়ারপার্সন ৱাহেংবম বোবিচান্দ লুৱাংনচিংবসু শরুক য়াখি।
সনাতোম্বী ওরিয়েন্টেল ইংলিস স্কুল কুম্বীদা হৌজিক হৌজিক মণিপুরী সাবজেক্টকী ওজা ওইরিবী থোইবী ৱাহেংবমনা ইবা শৈরেং লাইরিক অসি লোলয়ান অমত্তা য়াওদে হায়রি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু