বাংলাদেশতা অথৌবাশিংগী নিংশিং নুমিৎ পাঙথোকখ্রে
সিলেট, ১৩ আগস্ট : বাংলাদেশকী মৌলভীবাজার ডিস্ট্রিক্ট মনুংচন্বা কমলগঞ্জ উপজেলাগী নয়াপত্তনদা লৈবা কাংশংদা মণিপুরী ভাষা প্রশিক্ষণ কেন্দ্র (মণিপুরী লেংগুয়েজ লারনিং সেন্টার)গী মহৈরোয়শিংনা ঙসি অথৌবাশিংগী নিংশিং নুমিৎ পালন থৌরম পাঙথোকখ্রে। মণিপুরী লেংগুয়েজ লারনিং সেন্টারগী ওজা কোন্থৌজম শিল্পীগী লুচিংমখাদা থৌরম অদু পাংথোকখিবনি হায়রি।
থৌরম অদুদা ইমা লৈবাক্কীদমক থৱাই কৎথোকখিবা অথৌবাশিংগী মীতমদা মীয়াম্না হৈকৎ-লৈকৎ তম্লবা মতুং মিনিট ১ তুমীন্না লেপ্তুনা ইকায়খুম্নবা ঊৎখি।
ঙসি পাংথোকখিবা থৌরমগী মতাং অমা
১৩ আগস্ত মণিপুরগী পুয়ারিদা খ্বায়দগী মরু ওইবা নুমিৎ অমনি। ইং ১৮৯১ গী আগস্ত ১৩গী নুমিৎ অসিদনি মণিপুরগী অথৌবা যুবরাজ বীর টিকেন্দ্রজিৎ অমসুং জেনারেল থাঙ্গাল অনীবু বৃতিশকী মায়োক্তা লান হৌবগীদমক ফৈদাবুং হায়না খঙনবা ঙসিগী সহিদ মিনার লৈরিবা মফমসিদা মীয়াম মাঙদা ফাঁশি তৌখিবনি।
মখোয়না থৌনা ফনা মরৈবাক মরমদগীদমক কত্থোকখিবা কয়া অদু ঙসিগী নুমিৎ অসিনা নৌহৌননা অমুক হন্না ঐখোয়দা নীংশিংহল্লি।নুমিৎ অসি পান মণিপুর য়ুথ লিগনা ১৯৬৯ দগী পেত্রিওটস দে হায়না পাঙথোরকখিবনি।
0 কমেন্ট:
কমেন্ট তৌবিয়ু