ফেষ্টিভেল ওফ নুপী পালা সঙ্কীর্ত্তন ২০২২ পাঙথোকখ্রে
ইম্ফাল, আগস্ট ০৮ : মণিপুর অসি শক তাকপদা ঐখোয়গী আর্ট এন্দ কালচারনা অচৌবা থৌদাং লৌরি। ঐখোয়গী নাৎ চৎনবীশিং অসি য়োকখৎপগী তঙাইফদবা লৈরি। ৱাফম অসি ঙসি আজাদি কা অমৃত মহোটসব থৌরমগী শরুক অমা ওইনা কাংমোং সঙ্গীত কালা মন্দল, ইম্ফাল ওয়েষ্টনা শীন্দু সঙ্গীত কালা মন্দল, কাংমোং মাইস্নাম লৈকায়দা পাঙথোকখিবা ফেষ্টিভেল ওফ নুপী পালা সঙ্গীর্ত্তন ২০২২গী থৌরমদা থৌরম মপু ওইনা শরুক য়াখিবা পদ্মশ্রী নব ৱারেপ্প, প্রেসিদেন্ট থিয়েটার সেন্টর মণিপুরনা ফোঙদোকখিবনি।
মহাক্না মখা তারদুনা হায়খিবদা, অহল-লমনশিংনা থম্বীরম্বা কালা সংস্কৃতিগী ওইবা নাৎ চৎনবী কয়ানা লমদম অসিবু মমায় চুমদুনা লাক্লিবনি। হৌগৎলক্লিবা নহারোলশিংনা কালা সংস্কৃতিগী মচাকশিং অসি খঙহৌদ্রবদি ঐখোয়গী ট্রেদিসন চৎনবী অসি মাঙখিবগী অকিবা লৈরি। ঐখৈায়গী কালচারগী ইনাক খুল্লবা লন অসিবু মালেমদা শক তাকপদা অচৌবা থৌদাং লৌমিন্নসি। ঐখোয়গী কালচার অমদি স্পোর্টসনা মালেমদা মণিপুরবু শক তাক্লি হায়বদা হায়মনবা থোক্লোই।
ঙসিগী থৌরম অদুদা মণিপুর ষ্টেট কোওপরেটিভ য়ুনিয়নগী প্রেসিদেন্ট এল তোমপিশকনা অথোইবা মীথুং, নেসনেল সঙ্গীত নাটক একাদেমী এৱার্দী শৌগ্রাকপম হেমন্তনা অখন্নবা মীথুং ওইনা শরুক য়াখি। থৌরমগী শরুক অমা ওইনা নুপী পালাগী ওইবা ঈশৈশিং শকখিবগা লোয়ননা সার্টিফিকেটসু য়েন্থোকখি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু