প্রাইম মিনিষ্টারনা বাংলাদেশকী ব্যাডমিন্টন শান্নরোয় গৌরব সিংহদা স্পোর্ট কার্ড অমদি সার্টিফিকেট খুৎশিন্নরকখ্রে
সিলেট, মার্চ ৩১ : বাংলাদেশকী ব্যাডমিন্টন ন্যাশনাল প্লেয়ার গৌরব সিংহ ঙরাং ৩০ মার্চ ২০২৬ প্রধানমন্ত্রীগী অফিসতা পাংথোকখিবা থৌরম অমদা প্রধানমন্ত্রী মখুৎতগী সার্টিফিকেট অমদি স্পোর্ট কার্ড লৌখ্রে। ইন্টারন্যাশনাল অমদি ন্যাশনাল থাক্তা ব্যাডমিন্টন শান্নরোয় অমা ওইনা স্পোর্ট কার্ড অমদি সার্টিফিকেট খুৎশিন্নরকখিবনি।
লৈঙাক অসিনা সরকার শেম্লকপা মতমদা মীয়ামদা ফোংদোকখিবা মতুং ইন্না ইন্টারন্যাশনাল অমদি ন্যাশনাল থাক্ত রেকর্ড ফবা শান্নরোয়শিংদা হায়রিবা স্পোর্ট কার্ড অমসুং স্পোর্ট এলাউন্স ওইনা থাগী ওইবা লুপা লাখ অমমমগী শেনফম পিগনি। মসিনা শান্নরোয়শিংগী অহেন অথোয় তান্নরকপা মতমদা মায় পাকপা হেনগনি।
গৌরব সিংহ সিলেটকী মৈতৈনা তাব খুল শিবগঞ্জতগীনি অমসুং য়ুম্নাম গোপাল সিংহ অমদি রুমিতা দেবীগী মচানিপানি। মহাক ২০২৫ তা পাংথোকখিবা ইয়োনেক্স-সানরাইজ বাংলাদেশ ইন্টারন্যাশনাল সিরিজকী ডাবলস্ নুপাগীদা সনাগী টাইটল ফংলদুনা চেম্পিয়ন ওইখিবনি। পাউ অসি তাবদা বাংলাদেশকী মৈতৈময়াম্না হরাও -নুঙাইবা ফোঙদোকনরক্লি।
0 কমেন্ট:
কমেন্ট তৌবিয়ু