• 828
• ২৬শে ডিসেম্বর ২০২২ ইং
• Share on:

পাঙল রিসার্চ ইন্সটিট্যুট অমা লিংদুনা পাঙলশিংগী মাংখ্রবা পুৱারি হিংহন্নবা হোৎনরগনি: জালাল

ইম্ফাল, দিসেম্বর ২৬ : মশাগী চৎনবি অমদি আইদেন্টিটি চপ চানা লৈজবা পাঙল খুন্নাইগী মাংখ্রবা পুৱারিশিং অমুক হন্না হিংহন্দুনা মালেমগী মফম কয়াদা চোইজাইননা খুন্দাখ্রবা পাঙল ফুরুপশিং পুনশিন্নবা হোৎনবদা অচৌবা মতেং ওইনবা সি এস ওশিংগী মতেং মখাদা পাঙল রিসার্চ ইন্সটিট্যুট অমা লিংলগনি হায়না ওল মণিপুর মুসলিম ওর্গানাইজেসন কো ওর্দিনেটিং কম্মিটি (অম্মোকোক) কি প্রেসিদেন্ট এস এম জালালনা ফোঙদোকখ্রে।

ৱাফম অসি ঙসি অম্মোকোক্কি মিৎয়েং মখাদা মণিপুর মুসলিম (পাঙল) কম্ম্যুনিটি ওব বাংলাদেশনা শিন্দুনা বাংলাদেশকি আদমপুর কান্দিগাওদা লৈবা জি কে গভর্ণমেন্ট প্রাইমারি স্কুলগী লম্পাক্তা পাঙথোকপা অহুমশুবা ইন্টারনেশনেল পাঙল কনভেন্সন্দা থৌবুরোই অমগী ৱারোল পিবদা ফোঙদোকখিবনি।

মহাক্না মখা তানা হায়, ২০১৯ দিসেম্বর থাদা ইম্ফালদা পাঙথোকপা অনিশুবা ইন্টারনেশনেল কনভেন্সনদা চহি অহুমখুদিংগী মালেমগী পাঙল তাবা মফমশিংদা কনভেন্সন পাঙথোকপা হায়না য়ানখিবদু চহি অমা তেনশিল্লগা চহি অনি খুদিংগী কনভেন্সন পাঙথোক্নবা হোৎনগনি। মথংগী কনভেন্সনদি আসামদা পাঙথোক্কনি। পাঙলশিংনা মফম কয়াদা খুন্দাখ্রবসু মশাগী আইদেন্টিটি ঙাক্তুনা থম্লম্বা অমদি ইমা লোল লোন্দুনা লৈরম্বা থেংনবদা থম্মোয়দা অপেনবা ফাওই। পাঙলশিংনা ইমা লোল মণিপুরীবু মালেমগী থাক্তা চাওখৎনবা লোন তম্বিবনচিংবা খোঙথাংশিং লৌখৎকনি।

মালেমগী মফমশিংদা খুন্দারিবা পাঙলশিং অসি অমত্তা ওইনা পুনশিন্দুনা ঐখোয় মশেলগী মরক্তা মহৈ মশিনগী লমদা অমদি তোঙান তোঙানবা খুদোং চাদবশিং পুন্না থৌদাং লৌমিন্নবা হায়বা ৱারেপসু লৌরদুনা মণিপুর অমদি মণিপুরগী মপালদা খুন্দারিবা জাৎ বিজাৎ খাইদনা মণিপুরী পুম্নমক নুংশিননবা অতোপ্পা কম্ম্যুনিটিশিংগা পুন্না থবক তৌমিন্নগনি হায়খি।

চহি অনি অনি খুদিংগী পাঙথোক্কদবা ইন্টারনেশনেল পাঙল কনভেন্সন অসি হেন্না মপুং ফানবগীদমক ইন্টারনেশনেল পাঙল য়ুনিটি (আই পি য়ু) কৌবা লুপ অমসু শেম্লগনি। লুপ অসিদা বাংলাদেশ, আসাম, ত্রিপুরা অমদি বার্মাগী মীহুৎশিং শুনা য়াওগনি হায়খি।

সোর্স: পান্দম