ইন্টারনেশনেল মণিপুরী সোর্ট ষ্টোরি ফেষ্টিভেল সিলেটতা হৌদোকখ্রে
ইম্ফাল, দিসেম্বর ২৬ : বাংলাদেশ মণিপুরী সাহিত্য সংসদ, সিলেট অমদি মণিপুরী সোর্ট ষ্টোরি সোসাইটি, ইন্দিয়া অনিনা শিন্দুনা নুমিৎ ৩নি চুপ্না পাঙথোক্কদৌরিবা ইন্টারনেশনেল মণিপুরী সোর্ট ষ্টোরি ফেষ্টিভেল ২০২২ ঙসি অহানবা ওইনা সিলেটকী মনুং চন্না কোর্ট পয়েন্টদা লৈবা জিলা পরিষদকি কনফারেন্স হোলদা সিলেটকি ডিসি ডোঃ মুহম্মদ মোশারফ হোসেননা চীফ গেষ্ট ওইদুনা ফেষ্টিভেল হৌদোকখ্রে।
হৌদোকপগী থৌরমদা বাংলাদেশ মণিপুরী সাহিত্য সংসদ অমদি মণিপুরী সোর্ট ষ্টোরি সোসাইটি পুন্না বাংলাদেশকী নেশনেল এনথেম শক্তুনা ফিরাল চিংখৎখি। মণিপুর সোর্ট ষ্টোরি ফেষ্টিভেল ২০২২ গা মরি লৈননা সিনাম তনুবাবু মেমোরিয়েল ইন্টারনেশনেল এৱার্দ চহি অসিগী ওইনা মুতুম রমনি (ক্বাকৈথেল, থোকচোম লৈকাই)না ইবা ফোংঙমদ্রবা চৈনাখোল হায়বা লাইরিক অসিদা লান্থোকখ্রে। লোয়ননা মণিপুরী সোর্ট ষ্টোরি সোসাইটি, ইন্দিয়াগী লাইফ টাইম এচিবমেন্ট এৱার্দ, রাজকুমার শীতলজিৎ নিংশিং মনা ২০২২ বু বাংলাদেশকী শক্নাইরবা অইবা এ কে শেরাম (সিলেট, বাংলাদেশ)দা পিখ্রে।
অমরোমদা সোসাইটি অসিগী পন্থুং তম্না কৌবা কমপাইলেসন লাইরিক অমসু হৌনবী মতুং ইন্না চীফ গেষ্টনা ফোঙখি । লোয়ননা তোঙান তোঙানবা অইবী উশারানি অমদি লাইরেনলাকপম ঙৌবনা ইবা লাইরিকসু মীয়াম মমাংদা ফোঙখি। থৌরমগা মরি লৈননা বাংলাদেশ মণিপুরী সাহিত্য সংসদকী প্রেসিদেন্ট এ কে শেরামনা হায় –মরু ওইনা ঙসিগী থৌরম অসিগী পান্দমদি মণিপুরী সোর্ট ষ্টোরি অসি য়াম্না চাওখৎলে অমদি থাক ৱাংলে হায়না খঙহনবা অসিনি। মসিদা চোইনা খুন্দারিবা মণিপুরী ইচিন ইনাওশিংগা পুন্না নুংশিননা, মরি চেৎহন্নবা পান্দমদনি হায়না ফোঙদোকখি।
সোর্স: পান্দম
0 কমেন্ট:
কমেন্ট তৌবিয়ু