• 90
• ২৫শে মার্চ ২০২৬ ইং
• Share on:

নোংমাইথেম তোম্বী মেমোরিএল লেকচর পাঙথোকখ্রে

ইম্ফাল, মার্চ ২২:  নহারোল সাহিত্য প্রেমী সমিতি, ইম্ফালনা শীব্দুনা ৪শুবা নোংমাইথেম তোম্বী মেমোরিএল লেকচর ঙসি দি আই পি আরগী ওদিতোরিয়মদা পাঙথোকখ্রে।

                      প্রোফেসার নোংমাইথেম তোম্বী

নহারোল সাহিত্য প্রেমী সমিতি'গী প্রসিদেন্ত নাওরোইবম ইন্দ্রমণিনা চেয়ার লৌদুনা শৈরেং, মণিপুরী ত্রেদিসন এন্দ শ্রী বীরেন হায়বসিদা জে এন মণিপুর দান্স একাদেমিগী ভাইস চেয়ারমেন লোংজম জয়চন্দ্রনা মেমোরিএল লেকচর অদু পীরদুনা হায়, শ্রী বীরেনগী তোপ-তোপ্পা শৈরেংগী ৱাখল্লোন অমদি থিওরি লৈ হায়বসি মহাক্না ইখিবা ৱারেংশিং অমদি অঙনবা মতমগী শৈরেংশিং পারগা নিংথিনা খঙবা ঙম্মী। মহাক্না পামজবা অমসুং খঞ্জবা শৈরেংগী মশক অসি মকা লাম্না মহাক্কী শৈরেংগী লাইরিক্কী ৱাহৌদোক খরদা নিংথিনা ফোঙদোক্লি। মদুদা য়ুম্ফম ওইরগা মহাক্কী শৈরেংগী থিওরি নৈনবা তঙাই ফদে। শ্রী বীরেননা মহাক্কী শৈরেংগী ৱাহৌদোক্তা তোয়না পল্লিবা অনৌবা শাগৎপগী ৱাফম অসি তি এস এলিয়তনা তোয়না শীজিন্নখিবা ৱাহৈনি।

শ্রী বীরেননা মহাক্কী শৈরেংগী খোঙচৎতা মপাল নাইদবী লমদম অমা থিরক্লিবসি য়ান্না লৈতারবা মীশক অমনা অরোইবা পন্থুং অমদা ঈংনা-চিক্লা পোত্থানিংলকপগী অপাম্বা অদুনি। মসিগী ৱাখল্লোন অসিনা মহাক্কী অরোইবা পুন্সিগী শরুক ফাওবদা মহাক্কী থাদোকপা ঙমদ্রবা চৈনা ওইখি হায়না জয়চন্দ্রনা ফোঙদোকখি।

                    কবি শ্রী বীরেন

লেকচর অদুগা মরি লৈননা নহারোল সহিত্য প্রেমী সমিতিগী জেনরেল সেক্রেতরি দাঃ হুইরেম তেম্বনা হায়, ঙসি পাঙথোক্লিবা লেকচার অসি মরিশুবনি। লেকচর অসি ২০১৭তগী হৌবনি। লৈখিদ্রবা প্রোফেসার নোংমাইথেম তোম্বীনা শেল পুথোব্লগা বেঙ্কতা ফিক্স দিপোজিত তৌরগা পাঙথোকপনি। মণিপুরী সাহিত্যগী লমদা অখঙ-অহৈশিংনা ৱা ঙাঙহল্লগা লাইরিক ওইনা পুথোকপা ঙম্নবগী পান্দমনি হায়খি।

সোর্স : পোক্নফম