image

নেসনেল গেমসতা মিরাবাই চনু অমদি পি ঐচ রানিবালানা ওয়েথলিফ্টিংদা গোল্ড, সঞ্জিতানা সিলভার ফংখ্রে।

ইম্ফাল, সেপ্টেম্বর ৩০ : গুজরাটনা য়ূম্বু ওইদুনা চত্থীরবা ৩৬ শুবা নেসনেল গেমসকী ঙসি নীনি চনবা নুমিৎতা ষ্টেটকী ওয়েথলিফ্টার সাইখোম মিরাবাই চনু অমদি ফমদোম রানিবালানা ওয়েথলিফ্টিং মশান্নগী সিনিয়র উইমেন্সকী কেজি ৪৯ অমদি ৫৫গী কাঙলূপ্তা গোল্ড মেদেল অনী অদুগা সঞ্জিতা খুমুকচমনা কেজি ৪৯দা সিলভার মেদেল ফংবা ঙমখ্রে।

টি ঐচ দাইনা, এল অিবি, টি ঐচ সনা অমদি ঐচ অনাপ্রিয়ানা ফেন্সিং মশান্নগী সেবর টিম ইভেন্টতা অদুগা এল অবিনা সেবর ইন্দিভিজ্যুয়েল ইভেন্টতা ব্রোঞ্জ মেদেল অমমম্ ফংহৌরে। মণিপুরনা হৌজিকফাওবদা গোল্ড ২, সিলভার ১ অমদি ব্রোঞ্জ ২ পূন্না মেদেল ৫ ফংবা ঙমখ্রে।

গান্ধীনগরগী মহাত্মা মন্দির এগজিবিসন হোলদা ঙসি শান্নখিবা ওয়েথলিফ্টিং মশান্নগী সিনিয়ার উইমেন্সকী কেজি ৪৯গী কাঙলূপ্তা মিরাবাইনা স্নেটচতা কেজি ৮৪ অমদি ক্লিন এন্দ জার্কতা কেজি ১০৭ পূন্না কেজি ১৯১ থাঙ্গৎতুনা গোল্ড মেডেল ফংবা ঙমখি। কাঙলূপ অসিমক্তদা সঞ্জিতা খুমুকচমনা স্নেটচতা কেজি ৮২, ক্লিন এন্দ জার্কতা কেজি ১০৫ পূন্না কেজি ১৮৭ থাঙ্গাৎতুনা সিলভার মেদেল ফংহৌখি।

সিনিয়র উইমেন্সকী কেজি ৫৫গী কাঙলূপ্তা পি ঐচ রানিবালানা স্নেটচতা কেজি ৮৪ অদুগা ক্লিন এন্দ জার্কতা কেজি ১০৪ পূন্না কেজি ১৮৮ থাঙ্গৎতুনা গোল্ড মেদেল ফংবা ঙমখি।

ফেন্সিং মশান্নগী ওইনা সেবর ইন্দিভিজ্যুয়েল ইভেন্টকী সেমীফাইনেলদা এল অবিনা মহাক্কী পাঞ্জাবকী ওপোন্টেকী মখূৎতা মায়থীহৌদুনা ব্রোঞ্জ মেদেল ফংবা ঙমখি। সেবর টিম ইভেন্টকী সেমীফাইনেলদা মণিপুরনা পাঞ্জাবকী মখূৎতা মায়থীহৌদুনা ব্রোঞ্জ মেদেল ফংবা ঙমখি।

জিম্নাষ্টিক্সকী ভোল্টিং টেবল ইভেন্টতা ষ্টেটকী জিম্নাস্ট সনসম রুবেন মৈতৈ ফাইনেল চঙবা ঙমখ্রে। রোৱীং মশান্নগী দবলসতা মণিপুর সেমিফাইনেল চঙবা ঙমখ্রে। এথলেটিক্স মশান্নগী নুপাগী কিলোমিটার ২০গী রেস ৱাক ইভেন্টকী ফাইনেলদা অসিফ খাননা পুং ১;৩৬;১৯.০০ দা লমথুংফম য়ৌদুনা ৮ শুবা পোজিসন তাহৌখি।  

সোর্স: সঙাই এক্সপ্রেস

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু