দাঃ সুরজকুমারদা জাপানগী স্কোলারশিপ পীরক্লে
ইম্ফাল, মার্চ ২২ : আই এল দি এস (ইনস্তিত্যুত ওব লিভর এন্দ দাইজে স্তিব সাইন্সেস) কী দিরেক্তর দাঃ নোংথোম্বম সুরজকুমারবু জাপানগী ওসাকা ইন্তরনেসনেল কেন্সর সেন্তরদা এদভান্স এন্দোস্কোপি ত্রেনিং য়াওবা স্কোলারসিপ পীরকখ্রে।
ইনস্তিত্যুথ অসিগী এদমিনিস্ত্রেতিব ওফিসারনা থাদোরকপা চেরোলনা হয়া, জাপানগী ওসাকা ইন্তরনেস্নেল কেন্সর সেন্তরদা থা অসিগী ২৪ দগী ৩১ ফাওবা চত্থগদবা এদভান্স এন্দোস্কোপি ত্রেনিংদা শরুক য়ানবগীদমক্তা দাঃ এন সুরজ কুমারবু স্কোলারশিপ অসি পীরকখিবনি।
ওসাকা ইন্তরনেসনেল কেন্সর সেন্তর অসি কেন্সর রিসার্ছ অমসুং ত্রিতমেন্ততা মরু ওইনা এদভান্স এন্দোস্কোপিগী লমদা মারেমগী থাক্তা শকখঙলবা সেন্তর অমনি। ত্রেনিং প্রোগ্রাম অসিদা কেন্সরবু ঙন্না খঙদোকপা, মিনিমেলি ইনভেসিব প্রোসিজরশিং অমদি লম অসিদা লেতেস্ত তেক্নোলোজি এদভান্সমেন্ত য়াওনা কতিং এজ এন্দোস্কোপিক তেক্নিংশিংদা অহেনবা মীৎয়েং থম্লগা চত্থগনি হায়রি।
ওসাকা ইন্তরনেস্নেল কেন্সর সেন্তর জাপাননা পাঙথোক্কদৌরিবা ত্রেনিং প্রোগ্রামগা মরী লৈননা স্কোলারশিপকীদমক্তা খল্লকপা অসিদা দাঃ এন সুরজ কুমারনা সেন্তর অসিবু থাগৎপগা লোয়ননা তৌবীমল খঙবা ঊৎলদুনা হায়, সেন্তরগী দিপার্তমেন্ত ওব গেস্ত্রোইন্তেস্তিনেল ওকোলোজিদা চত্থগদৌরিবা ত্রেনিং অসিনা মালেমগী ওইনা লম অসিদা লেপ্তনা চাওখৎলক্লিবশিং তম্বা অমদি এদভান্স এন্দোস্কোপিগী মতাঙদা স্কিল অমদি নোলৈজ হেনগৎহল্লগনি।
ত্রেনিং অসিদা ফংলকপা নোলেজ অমদি কান্নবশিং অদু মণিপুরদা পুরক্তুনা মীয়মাদা অমদি মেদিকেল কম্যুনিতিদা হেন্না কান্নবা অমদি খুদোংচাবা ফংহনবা ঙম্লগনি। মসিগী মথক্তা আই এল দি এসনা লমদম অসিগী মীয়ামদা লিভর অমদি দাইজেস্তিব সাইন্সেসকী লমদা মালেমগী থাক্কী ওইবা খুদোংচাবা পীবা ঙম্লগনি হায়না দাঃ সুরজকুমারনা ফোঙদোক্লি হায়রি।
দাঃ নোংথোম্বম সুরজকুমার এম দি, দি এম ( এ আই আই এম এস, নিউ দিল্ল) নি। মহাক হারবার্দ য়ুনিভার্সিতিগী বেথ ইজরেল দিএকোনেস মেদিকেল সেন্তরদগী এদভান্স এন্দোস্কোপিদা বেরেন্সন স্কোলারনি অমদি হৌজিক ইম্ফালদা লৈবা আই এল দি এসকী দিরেক্তর ওইনা লৈরি।
সোর্স: পোক্নফম
0 কমেন্ট:
কমেন্ট তৌবিয়ু