image

তোঙান-তোঙানবা লূপশিংনা মণিপুরগী গবর্নর উনখ্রে ‘মীতৈ (মৈতৈ) দা সেদ্যুল ত্রাইবকী স্তেতস পীনবা তাকশিনখ্রে’

ইম্ফাল, নভেম্বর ৩  : মীতৈ (মৈতৈ) ত্রাইব য়ুনিয়নগী এস গৌরকিশ্বোরনা লুচিংবা মীহুৎশিংনা ঙসি মণিপুরগী গবর্নর অনুসুইয়া উইকেগা রাজ ভবন্দা উনখ্রে অমসুং মীতৈ (মৈতৈ) বু সেদ্যুল ত্রাইবকী লিস্তকী স্তেতস পীনবা তকশিনখ্রে।

তিমগী মায়কৈদগী গবর্নরদা মীতৈ (মৈতৈ) ফুরুপনা সেদ্যুল ত্রাইবকী লিস্ততা চনফম থোকপগী মরমশিং গী অকূপ্পা রিপোর্ট অমা পীশিনখি। লোয়ননা ফুরুপ অসি হীরম পূম্নমক্তা শোত্থনা লৈরি। মরম অসিনা কম্যুনিতি অসি কান্নবা শুপ্নগী অমত্তা ঙাইরবা আশা অদুদি এস তি স্তেতসনি হায়না খঙহনখি।

ফুরুপ অসিনা এস তি স্তেতস তাল্লক্রিবা অসি চহী মশীং য়াম্লক্লবসু হৌজিক ফাওবা ফংবা লৈত্রি। মরম অসিনা দিমান্দ অসি ফংনবা হোৎনবদা গবর্নরনা পাংবা য়াবা মতেঙ খুদীংমক পাংবীয়ু। উনবা অদুদা গবর্নরগী মায়কৈদগী এ তি সেত্তস পীবগী প্রোসেস অসি য়াম্না শংবা প্রোসেস অমনি অমসুং সেদ্যুল ত্রাইবা কম্মিসন অমদি সেন্তরগী মরী লৈনবা মিনিস্ত্রিনা পেরামিতর খুদীংমক য়েংশিনগদবনি। মহাক্না চীফ মিনিস্তরদা ৱারী শারগনি। তিমগী মায়কৈদগীসু এস তি কম্মিসনদা তঙাইফদবা প্রোসিদ্যুরশিংগীদমক চৎপীয়ু।

অমরোমদা, ওল মণিপুর হেলথ্ সার্বিসেস দোক্তর্স এসোসিয়েসন্না ঙসি মণিপুরগী গবর্নর অনুসুইয়া উইকেগা রাজ ভবন্দা উনখ্রে অমসুং গবর্নরদা মেমোরেন্দম অমা পীশিনখ্রে। দোক্তরশিংগী দিমান্দ তকশিল্লদুনা এসোসিয়েসনগী মায়কৈদগী গবর্নদা তকশিনখিবদা, দোক্তরশিংগী সুপারেনুয়েসন এজ অসি চহী ৬২ দগী চহী ৬৫ ফাওবদা হেনগৎফম থোকই। দোক্তরশিংদা নন-প্রেক্তিসিং এলাওয়েন্স পীফম থোকই অমসুং সার্বিস রুলস শেমদোকফম থোকই। দোক্তরশিংগী সার্বিস কন্দিসন ফগৎহনগদবনি। মরী লৈনবা অথোরিতিশিং অমদি চীফ মিনিস্তরদা ফাওবা হীরম অসিদা তকশিল্লবসু অহোংবা অমদা লাকহনবা ঙমদ্রি।

গবর্নরগী মায়কৈদগী মখোয়দা পাংবা য়াবা মতেঙ পাংগনি হায়বগী থাজবা পীখি। দোক্তরশিংগী গ্রিভান্সশিং অসি অথুবদা কোক্না মহাক্না চীফ মিনিস্তরগা ৱারী শানগনি। অমরোমদা, লাইনিংথৌ সনামহী তেম্পল বোর্দ, ইম্ফাল মেম্বর মঙানা ঙসি মণিপুরগী গবর্নর অনুসুইয়া উইকেগা রাজ ভবন্দা উনখ্রে অমসুং নভেম্বর ১১ দগী ২৬ ফাওবা পাঙথোক্কদবা কালচারেল ৱার্কশোপতা গবর্নর শরুক য়াবীয়ু হায়না বার্ত্তন তৌখ্রে। গবর্নরগী মায়কৈদগীসু ৱাফম অদুদা হরাওনা য়াখি হায়রি। তেম্পল বোর্দকী মেম্বারশিংদা গবর্নরগী মায়কৈদগী সাল অমদি মেমেন্তো খূদোল তৌখি হায়রি।

সোর্স : পোক্নফম      

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু