চহী ৫০ রোম মতুং আসাম বিধানসভা মীখলদা মণিপুরী অমা কংগ্রেসকী মীরেপ
আগরতলা, মার্চ ০৭: চহী য়াংখৈরোম মীরাইবিদুনা থম্লুরবা নেশনেল পার্টি কংগ্রেসনা লাক্লিবা ১৩ শুবা আসাম বিধানসভা মীখলদা ১১৪ নং লক্ষিপুর বিধানসভা কেন্দ্রদা মণিপুরী মচা ড. মাইমোম শান্তিকুমার সিংহবু মীরেপ ওইনা খনখ্রে। কংগ্রেসকী অহানবা ফেসকী মীরেপ ৪২ গী মমিং লাওথোকপদা মহাক্কী মমিং য়াওরকখি। পনবা যাবদি হায়রিবা লক্ষিপুর কেন্দ্রদা কংগ্রেসকী মীরেপ ওইনা মৈতৈ মচা এম.এল.এ ওইনা কারকখিবসি ইং ১৯৬৭ দা লাইশ্রম মেরা চাউবা অমসুং ইং ১৯৭২ দা ৱাংখেম শুভঙ্কর সিংহনি।
অদুগা ইংকুমজা ১৯৭৭ দসু কংগ্রেসনা ঙারিয়াম্বম গৌরচন্দ্র সিংহবু মীরেপ ওইনা থাগৎলুরবসু মায় পাকপা ঙমখিদে। কেন্দ্র অদুদা ইন্ডিপেন্ডেন্ট ওইনা কাজি কুতুবউদ্দিন কাখি। মথংদা দীনেশ প্রসাদ গোৱালানা কাদুনা লাকখি। ঙসি চহী ৫০ রোমগী মতুং নেশনেল পার্টি কংগ্রেসনা হায়রিবা লক্ষিপুর বিধানসভা কেন্দ্র অসিদা মণিপুরী মচা ড. মাইমোম শান্তিকুমারবু মীরেপ ওইনা থাগৎপসিদা নেশনেল মণিপুরী প্রোগ্রেসিভ ফ্রন্টনা হরাওদুনা কংগ্রেসপু থাগৎপা ফোঙদোকখ্রে। কেন্দ্র অসিদা ভোটার মশীং অসি ১,৭৭,২০৯ নি হায়রি। চৎখিবা ইং ২০২১ দা ভোটার মশীং ১,৫৬,৫০২ ওইরম্মী। পনবা য়াবদি ২০২১ গী মীখলদা বিজেপিনা (কৌশিক রাই) ৫৫,৩৪১ অদুগা কংগ্রেসকী মুকেশ পান্ডেনা ৪২,৬৪১ ভোট ফংখি। মৈতৈ মচা ইন্ডিপেন্ডেন্ট থোইবা সিংহনা ভোট ২০,৫০৩ ফংখি।
চহী কয়া মীরাইদুনা থম্লুরবসু হন্দক্কী মীখলদা কংগ্রেসনা মতিকচাবা লাইরিক লাইশু হৈবা মীচম ময়ামগা মরী থম্বা, তিন্নবা ঙম্বা লোন শুনা ৱা ঙাংবা ঙম্বা অদুগুম্বা মৈতৈ মচা ড. এম শান্তিকুমার লক্ষিপুর কেন্দ্রদা মণিপুরী খক্তনা নত্তনা অতৈ ফুরূপ কাঙলুপকী মীশিংনসু শক খঙলবা মীশক অমনি। মহাক ইং ১৯৯৩ দা মণিপুর ইউনিভার্সিটিদগী এমএসসি (ফিজিওলোজি), ইং ২০১১ দা আসাম ইউনিভাসির্টির্দগী এলএল.বি, ড.বি.আর. আম্বেদকর ওপেন য়ুনিভাসির্টিদগী পোষ্ট গ্রেজুয়েট, ইং ২০২৩ দা ইন্টরনেশনেল ফ্রান্স য়ুনিভার্সিটিদগী ডিএসসি। মহাক ইং ২০২১ দা সোনাই বিধানসভা কেন্দ্রদা তৃনমূল কংগ্রেসকী মীরেপ ওইরম্মী। ইং ২০২৪ গী মার্চ ২০ দা কংগ্রেসতা য়াওখি। হৌজিক হৌজিক শিলচর ডিস্ট্রিক্ট কংগ্রেসকী জেনারেল সেক্রেটারী ওইরি।
মহাক এনএমপিএফ ৱার্কিং প্রেসিডেন্ট, মণিপুরী সিডিউল্ড ট্রাইব ডিমান্ড কমিটি, আসামগী জেনারেল সেক্রেটারী, আমসু'গী এক্স.এডভাইজর, জাকালকা গী সেক্রেটারী জেনারেল, প্রগতিশীল নাগরিক সমন্বয় মোর্চাগী ভিপি নচিংবা লুপ কয়াগা মরী লৈনৈ। মহাকপু সেবা রত্ন, মাইলস্টোন এৱার্দ, লাইফটাইম এচিভমেন্ট নচিংবা মনা কয়া পীদুনা ইকাইখুম্নখ্রে।
সোর্স - মরূপ
0 কমেন্ট:
কমেন্ট তৌবিয়ু