অপূনবা খোরিলোলগী মালেমগী লূপকী কুমওন পাঙথোকখে
ইম্ফাল, মার্চ ১ঃ অপূনবা খোরিলোলগী মালেমগী লূপকী ৪ শুবা ফাউন্দেসন দে ঙসি য়াইস্কুল পুলিস লেনদা লৈবা এম দি য়ু হোলদা পাঙথোকখ্রে। থৌরমগা মরী লৈননা ১১৪শুবা আর কে মধুর্যজিৎকী মপোক কুমওন' হায়বসিদা মণিপুর কলেজগী হান্নগী প্রিন্সিপল সোরাম লোকেশ্বরনা লেকচর পীখি।
ফাউন্দেসন দেগী মপুং ওইবা থৌরম ওইনা মণিপুর হিস্তোরিয়ানগী মনা নাওরোইবম ইন্দ্রমণিদা, মহৈরোল লিতরেচর এৱার্দনা দাঃ য়ূন্নাম ইন্দ্রজিৎতা অমদি ৱাহৈগী নাচোম মিংথোলগী মনানা পাঙম্বম নন্দকুমারদা পীদুনা ইকায়খুম্নবা উৎখি। মনা অসিদা শেল, শকখঙ-চে অমসুং লেংয়ান ফি য়াওরি।
থৌরম অদুগী শরুক অমা ওইনা অপূনবা খোরিলোলগী মালেমগী লুপকী প্রসিদেন্তসু ওইরিবা ৱাইখোম অমুচৌ মৈতৈনা ইবা 'ইরৈপাকসিদগী' হায়না মিং থোনবা লাইরিক অমসু ফোঙখি। লাইরিক অদুগী মরমদা দি এম য়ু গী রিতয়ার্দ এসোসিএত প্রোফেসার দাঃ লোংজম সরতচন্দ্রনা ৱা ঙাঙখি।
থৌরম অদুদা সাহিত্য একাদেমি এৱার্দি বিরেন্দ্রজিৎ নাওরেমনা ৱা ঙাঙখিবা
থৌরম অদুদা হান্নগী য়ু এন এল এফকী চেয়ারমেন নিংথেমচা সনায়াইমনা চীফ গেস্ত, অপূনবা খোরিরোলগী মালেমগী লুপকী প্রসিদেন্ত ৱাইখোম অমুচৌ মৈতৈনা প্রসিদেন্ত, সাহিত্য একাদেমি এৱার্দি বিরেন্দ্রজিৎ নাওরেম অমদি সোসিএল ৱার্কর এলাংবম সোভিতনা গেস্ত ওব ওনর ওইনা শরুক য়াখি।
থৌরম অদুগা মরী লৈননা অপূনবা খোরিলোলগী মালেমগী লুপকী প্রসিদেন্ত ৱাইখোম অমুচৌ মৈতৈনা হায়, লৈবাক অমদা লৈজরিবা মচাকশিং অদু সাহিত্যনা কোনশিনবা মরম্না মণিপুরগী হান্না লৈজরিবা সাহিত্যগী মশক অসিদা ৱাখল্লোন খরা শেয়ার তৌবগী পানদমদা যুম্ফম ওইরগা লূপ অসিসু শেমখিবনি।
লৈবাক অসিদা লৈমিন্নরিবা ফুরুপশিং অদুগী কলচর, এদজুকেসন, স্পোর্টস, পোলিতিকেল অমদি তোঙান তোঙানবা লমদা থবক তৌমিন্নদুনা লৈবাক অমা শেম্বদা সাহিত্যনা কোনশিনবা মতমদা হেন্না মপূং ফাবা লমদম অমসু ওইগনি হায়বসি লুপ অসিগী অচেৎপা থাজবনি হায়না অমুচৌনা ফোঙদোকখি।
সোর্স - পোক্নফম
0 কমেন্ট:
কমেন্ট তৌবিয়ু