আসামগী খুন্নাই ৬ না এস.টি ওইবদা য়ারক্তবা -- আই এস থিংগোম
আসামদগী খুন্নাই তরুক- তাই অহোম, কোচ রাজবংশী, মরান, মটাক, চুটিয়া অমসুং টি-ট্রাইবশিংগী সিদ্যুল্ড ট্রাইব ডিমান্ড অদু ইং ২০১৪ দা আসাম বিধানসভানা রিকোমেন্ড তৌদুনা থাগৎখিবনি। অদুবু অরোইবগী ওইনা ট্রাইবেল কমিটিগী কনসাল্টেটিভ গ্রুপ, নিউ দিল্লীনা অয়াবা পীরকত্রে। করিগী দমক য়ারকত্রিবনো হায়বগী মরমশিং অদুদি মখাদা থমজরি:-
সিদ্যুল্ড ট্রাইব (এস টি) লিষ্টতা চন্নবগী দমক থল্লিবা ক্রাইয়েটেরিয়াশিং অদুদি -
(১) Primitive traits.
(২) Distinctive Culture
(৩) Geo-graphical Isolation
(8) Shyness of contact with community at large
(৫) General Backwardness.
রেজিস্টার জেনারেল ওফ ইন্ডিয়াগী রিপোর্ট মতুং ইন্না অহোম অমসুং কোচ রাজবংশী হায়রিবা অচৌবা খুন্নাই অনী অসি অহানবা অমসুং অহুমশুবা ক্রাইয়েটিরিয়া মনুং চনদে। হায়বদি মখোয় অসি য়ান্না চাওখতবা চীংনুং-মানুংদা লৈবা মীওইশিং নত্তে। হায়রিবা ফুরূপ তরুক (৬) অসিগী অপুনবা মীশিং অসি কোটি অমরোম অসিনা সেদুল্ড ট্রাইব (এস টি) লিষ্টদা চনখিবা তারবদি আসামগী লৈজরিবা সেদুল্ড ট্রাইব (এস টি) গী রিজার্ভেশন অসিদগী চাওরবা শরুক অমা লৌশিনখিবা তাগনি। মহৈ-মশিং তম্বা, সরকারগী থবক লৌবা অমদি পোলিটিকেল সীট নচিংবা হিরম কয়া গী চাকথুং অসিদা য়েন্নরকপা তারগদি হান্নদগী লৈজরকপা সেদ্যুন্ড ট্রাইব (এস.টি) কাঙলুপশিং অসিগী চাকলুপ মুনখিবগী ফিভম অদু ওইরক্কদৌরি। মরম অসিনা ফুরূপ তরুক অসিনা এস টি লিষ্টতা চনবগী মায়োক্তা য়ানিংদবা ফোঙদোক্লিবনি।
হৌজিক্কী মতমদা আডার বেকৱার্ড ক্লাসেস (ও.বি.সি) ওইনা লৈরিবা ফুরূপ অদু ওবিসি'নি হায়না শক্তাক্নবা রেজিষ্ট্রেশন ওইখ্রবনি। অসুম্না ও.বি.সি ওইনা শক খঙনরবা ফুরূপ অমনা মতম অমত্তদা ও.বি.সি অমসুং এস.টি ওইনা শক্তাকপা য়াদে। অদুগা রাজনীতিগী কান্নবা অমদি ওইজা ওইথোক্কী দমক্তা এস টি চন্নবা হোৎনবা হায়বসি সংবিধানগী মায়োক্তনি হায়রি। খুন্নাই তরুক অসি ও.বি.সি ওইবনিনা অপনবা অসি মায়োক্লবনি। অমরোমদা চা-গী থৌমী টি-ট্রাইবেল ফুরূপশিং অসি উরিষ্যা, বিহার, ঝাড়খন্ডদগী পুশিল্লকপা থৌমী ঙাক্তা ওইবনা মখোয়শিংবু আসামগী য়েলহৌমী ওইনা লৌশিন্দে। মরম অসিনা মখোয়না আসামগী এস টি ওইগে হায়রবসু অথিংবা পীরিবনি।
0 কমেন্ট:
কমেন্ট তৌবিয়ু