চন্দ্রকুমারদা লৈরিকমচা এৱার্দ পীরগনি
ইম্ফাল, নভেম্বর ১৮ : চহী অনী অনী লৈরগা সাহিত্য থৌপাং লূপ (সাথৌলূপ) না পীবা থিয়াম লৈরিকমচা ইন্টারনেসনেল এৱার্দ ২০২৩ গী ওইনা ম্যান্মাগী মন্দলেদা লৈবা ফুরাইলাৎপম চন্দ্রকুমার শর্ম্মাদা পীরগনি হায়না লূপ অসিনা থাদোরকপা চেরোল অমনা হায়রি।
চেরোল অসিনা হায়, এৱার্দ অসি সাথৌলূপ লীংখৎখিবা চহী ২০ মপূং ফারকপগী থৌরমগা মরী লৈননা থা অসিগী ২৫ দা লান্থোক্কনি। এৱার্দ অসিদা লেংয়ান অমা, সাইতেসন অমা অমসুং শেল ওইনা লুপা লীশীং তরা য়াওরি।
ফুরাইলাৎপম চন্দ্রকুমার শর্ম্মা
ঙসি ফাওবাদ চন্দ্রকুমারনা লোন চৎনবী কালচার পূম্নমক ঙাক্নবা হোৎনবগা লোয়ননা ম্যান্মাদা হিংহন্নবা হোৎনবদা লৌরিবা থৌদাং অসিবু শকখঙবা ওইনা পীগদবনি। নীংশিংবা য়াবদি হায়রিবা এৱার্দ অসি বাংলাদেশতগী এ কে শেরাম, সনাতোন হামোম, থোকচোম অনিল কিষন, খোইরোম ইন্দ্রজিৎ অমসুং ম্যান্মাদগী ককচীংতাবম সুন্দরগোপাল শর্ম্মদা পীখ্রে হায়রি।
সাহিত্য থৌপাং লূপনা ২০০৩ গী নভেম্বর ২৫ দা লীংখৎখ্রবা মতুংদা ঙসিদি চহী ২০ মপূং ফারকপগী অখন্নবা থৌরম কয়া চহী অমা চুপ্না মণিপুর মনুং অমসুং মপান্দা পাঙথোক্কনি। মণিপুরী লোল সাহিত্য কালচার ম্যুজিক স্পোর্তসনচিংবা লৈজরিবা পূম্নমক মালেমগী মীয়ামদা খঙহন্নবা হোৎনগনি। তোঙান তোঙানবা সেমিনার সিম্পোজিয়াম কয়া পাঙথোকপগা লোয়ননা সাথৌলুপ মেদিকেল তিম্না ফ্রী মেদিকেল হেলথ কেম্প কয়াসু পাঙথোক্কনি। লোয়ননা জাপানিজ, জার্মান, আমেরিকান, ইংলিশ, রুসিয়ান, ফ্রেন্স, ইতালিয়ান্নচিংবগী লিতরেচর নৈনবগী থৌরম কয়াসু পাঙথোক্কনি হায়রি।
হৌদোকপগী থৌরম নভেম্বর ২৫ দা মণিপুর য়ুনিভার্সিটি ওব কালচারগী ভাইস চাঞ্জেল্লর প্রোঃ পাওনম গুনিন্দ্রোনা চীফ গেস্ত অমসুং ইন্দো জাপান ফ্রেন্দশিপ এসোসিয়েসন মণিপুরগী প্রেসিদেন্ত ফুরাইলাৎপম নন্দকুমার শর্ম্মানা প্রিসাইদ তৌগনি হায়না চেরোল অসিনা হায়রি।
সোর্স: পোক্নফম
0 কমেন্ট:
কমেন্ট তৌবিয়ু