ওলিভর মোইরাংথেমদা ভারত গৌরম রত্ন শ্রী সম্মান এৱার্দ পীরক্লে
ইম্ফাল, সেপ্টেম্বর ২৮ : খুরাই লম্লোং বাজারদগী মোইরাংথেম জিলাঙম্বা অমদি মোইরাংথেম প্রমোলাগী মচা তরেৎকী মনুংদা অতোম্বা ওইরিবা মোইরাংথেম ওলিভরদা ভারত গৌরব রত্ন শ্রী সম্মান এৱার্দ পীরক্লে হায়রি।
ওলিভরদা পীরক্লিবা এৱার্দ অসি মহাক্কী সোসল ৱার্ক অমসুং প্রোফেস্নাল ৱার্ক এক্সপরিয়েন্সকী মতুংইন্না পীরকপনি। এৱার্দ খুৎশীন্নবগী থৌরম ঙসি নিউ দিল্লীগী চনকয়াপুরিদা লৈবা হোটেল দি অশোকতা পাঙথোকখি।
মোইরাংথেম ওলিভর নহা ওইরিবা ইঞ্জিনিয়ার অমা ওইবতা নত্তনা মহাক্কী হৈজ শিংজবা স্কিলশিং অসি শীজিন্নদুনা খুন্নাইগীদমক চাউখৎ থৌরাংদা মায় ওনশিন্দুনা থবক থৌরম কয়াদা শরুক য়াদুনা লাকখিবা মীশক অমনি।
মহাক্না শরুক য়ারকখিবা ওর্গানাইজেসনশিংগী পান্দম ফংনবা হোৎনবদা লুচিংবা অমা ওইবগী মতীক মগুন উৎতুনা পান্দম পংনবগী লম্বীদা ওর্গানাইজেসনগী টিমবু লুচিংদুনা পুবা ঙম্বা মীশক অমনি।
মোইরাংথেম ওলিভর এম আই টি মণিপুরদগী এম টেক (স্ট্রকচর ) লোইদুনা চার্টরদ ইঞ্জিনিয়র ওইনা থবক তৌরক্লবা মীশক অমনি। মসিদা নত্তনা মহাক ইন্দিপেন্দেন্ট বিজিনেস কয়াগী ওর্নর ওইবতা নত্তনা সোসল মীদিয়াদা মার্কেটিংগী এক্সপরিয়েন্স মতীক চানা লৈরিবা মীশক অমনি হায়রি।
মোইরাংথেম ওলিভর এম পি ওইরিবা মণিপুরগী নিংথৌ লৈশেম্বা সনাজাওবনা দি নেসনেল য়ুথ এৱার্দকীদমক নোমিনেট তৌখ্রবা মীশক অমনি।
ভারত গৌরব রত্ন শ্রী সম্মান হায়বসি লোকল, রিজনল অমসুং নেসনেল লেভেলদা হ্যুমেন রাইটসকীদমক থবক তৌদুনা লাকপা ওর্গানাইজেসন অমনি। ওর্গানাইজেসন অসিদা এদ্যুকেটর অমদি লুচিংবা কয়ানা অমত্তা ওইনা মীওইবা খুন্নাইগী হ্যুমেন রাইটার্স ঙাক্নব থবক তৌদুনা লাক্লি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু