আপডেট:
image

ওজা সনাজাওবা মেমোরিয়েল লেকচার পাঙথোকখ্রে

ইম্ফাল, দিসেম্বর ৩০: ওজা সনাজাওবা মেমোরিয়েল ত্রাস্ত (ও এস এম তি) মণিপুরনা শীন্দুনা ওজা সনাজাওবগী ৮৭ শুবা বার্থ এনিবার্সারিগা মরী লৈননা ১২ শুবা ওজা সনাজাওবা মেমোরিয়েল লেকচার পাঙথোকখ্রে।

মণিপুরী য়ুনিভার্সিটি মেন গেত মনাক্তা লৈবা নেসনেল রিছার্স সেন্তরগী ওজা সনাজাওবা লাইব্রেরিদা ‘জুরিসপ্রুদেন্স ফোর কন্সতিত্যুসনেল গরেন্তি তু সেফগার্দ মণিপুর’ হায়বা তোপিক অসিদা পাঙথোকখিবা ঙসিগী মেমোরিয়েল লেকচার অদুদা দি এম য়ুনিভার্সিতিগী ভাইস চাঞ্চেল্লর প্রোঃ এন রাজমোহন সিংহনা প্রেসিদেন্ত অমসুং কোর্ত অমসুং সুপ্রিম কোর্তকী সেনিয়ার এদভোকেট ইরোম ললিৎকুমার সিংহনা স্পিকার ওইনা শরুক য়াখি।

থৌরম অদুগা মরী লৈননা ও এস এম তি মণিপুরগী মেনেজিং ত্রাস্তি এস ভুবোলনা হায়, ঙসিগী মেমোরিয়েল লেকচার অসি ওজা সনাজাওবনা লোইনা মাঙজৌননা প্রিদিক্ত তৌরগা থম্বীরম্বা ৱাখল্লোন ময়ামদা য়ূম্ফম ওইরগা হৌজিক লৈরিবা ফীবম অসিদা ইন্দিয়াগী কন্সতিত্যুসন্দা স্পিসিয়েল প্রোভিজন অমা থম্বীরগা মণিপুরগী তেরিতোরিয়েল ইন্তিগ্রিতি অসি ঙাক্তুনা থম্ফম থোকই হায়বা ৱাখল্লোন অসিদা পাঙথোকপনি।

 ওজা সনাজাওবা অসি ইং ১৯৪৫ দা পোক্লগা য়াম্না ৱানা হৌরক্তুনা মশা মথন্তা গ্রেজুয়েট অমসুং লো তমদুগা গুৱাহাতি য়ুনিভার্সিতিদা লোগী ওজা ওইরম্লগা তৌরম্বা থবক কয়া অসিনা মণিপুরগী ফিউচারলোজি তাক্লগা থম্লম্বা অদুগুম্বা মী অমনি হায়না লৌই। মণিপুর খুনাইগী মতাঙদা ওজা সনাজাওবনা ইরম্বা লাইরিকশিং অমসুং মহাক্কী ৱাখল্লোনশিংগা ঙসিগী মণিপুরী খুনাই অসিগা য়াম্না চুশিন্নরকপা অমা ওই। ওজা অসি মণিপুর মীয়ামগী ওইনদি ইন্সতিত্যুসন অমনি হায়না লৌবগা লোয়ননা ওজা অসিনা হায়রম্বা অমসুং ইরম্বা একাদেমিক অমসুং ইন্তলেকচুয়েল কন্ত্রিব্যুসনশিং গী মতাঙদা মেমোরিয়েল লেকচার অসি পাঙথোকপনি হায়খি।
থৌরম অদুগা মরী লৈননা সরাংথেম বোরমণিনা ইবা অদুগা এস অজিৎনা পাব্লিস তৌবা লাইরিক ‘মৈতৈ নিং থৌরোল’ গী ৯ শুবা এদিসনসু ফোঙখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: