আপডেট:
image

এনকে সনাজাওবগী ৮৭ শুবা মপোক কুমওন পাঙথোকখ্রে

ইম্ফাল, দিসেম্বর ৩০: পাল মণিপুর য়ুথ লিগনা ফোঙবা থাগী চেফোঙ ‘লময়ানবা’ গী ফাউন্দর এদিতর লৈখিদ্রবা এনকে সনাজাওবগী ৮৭ শুবা মপোক কুমওন থৌরম ঙসি ইম্ফালগী পেলেস গেত্তা লৈবা লময়ানবা শঙলেন্দা পাঙথোকখ্রে।

এনকে সনাজাওবা মেমোরিয়েল ত্রাস্তনা শীন্দুনা পাঙথোকখিবা থৌরম অদুদা লৈখিদ্রবা এনকে সনাজাওবগী ফোটোদা সোসিয়েল এক্তিভিস্ত নিংথেমচা সনায়াইমা য়াওনা লৈখ্রিদবগী ইমুং-মনুং অমসুং মহাকপু নুংশিজবা মীয়য় কয়ানা লৈ-শু কৎতুনা ইকায়খুম্বনা ঊৎখি।

থৌরম অদুদা নিংথেমচা সনায়াইমনা হায়, লৈখিদ্রবা এনকে সনাজাওবা অসি মণিপুরগী জার্নেলিজমগী হিস্ত্রিদা লময়ানবা ইরাবতকী মতুংদা থোরকখিবা রিভোলুস্নরি জার্নেলিস্ত অমনি। জার্নেলিস্ত অসি ঐখোয়না ওয়েষ্টার্ন সাউথ ইস্ত এসিয়া হায়রগা খঙনবা নোর্থ-ইস্তার্ন রিজন অসিগীদা নত্তনা ইন্দিয়া অপূনবদা ইনভেস্তিগেতিব জার্নেলিজমগী খূৎমাবনি। ইং ১৯৬৯ দা পাল মণিপুর য়ুথ লিগকী থাগী চেফোঙ ‘লময়ানবা’ গী ফাউন্দর এদিতরসুনি।
সনায়াইমনা হায়, এন কে সনাজাওবনা ইনভেস্তিগেতিব জার্নেলিজমদা মায় ওনশিন্দুনা মতম অদুগী গবর্নমেন্তকী অশোয়বা অরানবা পুথোকপা, শেঞ্জা-থুমজা অসিনচিংবা কয়া ইদুনা মীয়ামদা মথৌনা লৈনা ফোঙদোকখি। মদুগীদমক মহাকপু গবর্নমেন্তনা কয়ারক দিতেন তৌখি, ফাদুনা জেলদা ফাওবা থম্বা য়াওখি। অদুমকপু জর্নেলিস্ত অমা ওইনা মহাক্কী জার্নেলিস্তিক ইথিক্স অমসুং মশাগী প্রিন্সিপাল কম্প্রোমাইজ তৌখিদে। মণিপুরদা জর্নেলিজমবু অৱাংবা থাক্তা চিংখৎপদা মহাক্কী অচৌবা থৌদাং লৈখি।

মহাক্কী পুন্সি ৱারী, জর্নেলিস্ত অমা ওইনা লৌরম্বা থৌদাং অমসুং মহাক্না তৌরম্বা অতৈ থবক-থৌরমশিংবু জর্নেলিস্ত ফ্রেতর্নিতিদা নত্তনা হৌরক্রিবা নহারোলশিংনা নৈনবা, খঙনবা হোৎনবা মথৌ তাই। হৌরক্লিবা নহাশিংনা মহাক্কী মার খোঙ্গুলদা চৎপা ঙম্নবা হোৎনহন্নিংই। মহাক্কী লম্বীদা তুংইন্নরবদি লমদম অসিগী তুংগী য়ূম্বী ওইরক্কদবা নহা কয়া ৱাত্তনা থোরক্কনি হায়বা চেৎনা থাজৈ হায়বা ৱাফমসু নিংথেমচা সনায়াইমা ফোঙদোকখি।
সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: