ইন্টারন্যাশনাল মণিপুরী এসোসিয়েশন (ইমা)-গী বাংলাদেশ নেশনেল কনভেনশন পাংথোকখ্রে
সিলেট, অক্টোবর ২২ : ইন্টারন্যাশনাল মণিপুরী এসোসিয়েশন (ইমা)-গী বাংলাদেশ নেশনেল কনভেনশন ঙরাং অক্টোবর ২১,ইরাই নুমীৎতা সিলেটকী জিলা পরিষদ হোলদা পাঙথোকখ্রে।
সিলেট সিটি কর্পোরেশনগী মেয়র মি: আরিফুল হক চৌধুরীনা চীফ গেষ্ট ওইরদুনা ফিরাল চিংখৎতুনা অয়ুক ৯,৩০দা কনভেনশনগী থৌরম হৌদোকখি, হৌদোকপগী থৌরম অদুদা অখন্নবা মীথুংলেন ওইনা আগরতলা, ত্রিপুরাদগী ইমা, সেন্ট্রাল কমিটিগী ভাইস চেয়ারম্যান নিরঞ্জন দত্ত, অমসুং এসিস্টেন্ট সেক্রটরি অ্যাডভোকেট হিজম দ্বিজেন সিংহ (বাংলাদেশ)সু শরুক য়াখি ।
সেশন অহুম থোক্না পাঙথোক্পা থৌরমগী অনীশুবা সেশন, প্যানেল ডিশকাশন অমসু পাংথোকখি, থৌরমদুদা প্যানেলিষ্ট ওইনা শরুক য়াবিখি ইমা সেন্ট্রাল কমিটিগী ইসি মেম্বার ব্রক্ষচারিময়ুম সুপ্রিয়া দেবী (ইন্ডিয়া), ইমা বাংলাদেশকী ভাইস প্রেসিডেন্ট আবুজম মনিভদ্র, সেন্ট্রাল কমিটিগী ইসি মেম্বার এল. কুঞ্জরাণী দেবী (বাংলাদেশ), নির্মলেন্দু শর্মা, জী. নিরোদ শর্মা অমসুং ডা. প্রমি সিনহা।
পুং চোলোমদা শরুক য়াখিবা এস. অনিক সিংহ অমসুং এস. রিংকু সিংহ
মথংদা অহুমশুবা সেশন, ইমা -বাংলাদেশকী প্রেসিডেন্ট ওইনাম রমেন্দ্র কুমার সিংহনা প্রিসাইড তৌবা নৈন-মীফমদা চীফ গেষ্ট ওইনা মো: মাহবুব আলী এম পি, স্টেট মিনিষ্টার, মিনিস্ট্রি ওফ এভিয়েশন এন্ড টুরিজম(বাংলাদেশ) শরুক য়াখি অমসুং অখন্নবা মীথুং ওইনা দাইসতা ফম্বিখি ইমা - সেন্ট্রাল কমিটিগি এডভাইজর ডা. প্রমোদ রঞ্জন সিংহ, এডভাইজর ডা. গুরুময়ুম অরুণ কুমার শর্মা, সেন্ট্রাল কমিটিগী চেয়ারম্যান এস. অনিল চন্দ্র সিংহ অমদি সেক্রেটরি জেনারেল এল. আশাপূর্ণা দেবী।
থৌরমগী অরোইবদা, পুং চোলোম, জগোয়-ঈশৈগী নুঙাইরবা থৌরম অমসু পাংথোক্কী।
0 কমেন্ট:
কমেন্ট তৌবিয়ু