আপডেট:
image

অঙাংদি নীংথাদা খঙই: বলদিপ

নিংথৌজমনা মোবাইল স্কেনর কোলগী এপ পুথোক্কদৌরি

ইম্ফাল, ডিসেম্বর ০৩ : পীক্লিংঙৈদগী হৌনা নীংখিবা ৱাখলদা চপ য়ুংনা মনীং থুংদ্রিবা ফাওবা হোৎনবা লেপ্তবা, থৱায় য়াওনা মায় পাক্ত্রিবা ফাওবা হোৎননীংবগী ৱাখলগা লোয়নরকখিবনা অঙাংদি নীংথাদা খঙই হায়বগুম্না শীংজমৈ পিএসকী মনুঙ চনবা খা নাওরেম লৈকায়দগী নিংথৌজম কিষণ অমদি নিংথৌজম ওংবী নোবিদিতাগী চহী ১৬ খক্তা ঙাইরিবা মচানুপা বলদিপ নিংথৌজমনা মমাঙদা ‘কোরোবোই গেম’ অমসুং রিসিপ্ট এপ’ মায় পাক্না পুথোকখ্রবা মতুংদা ‘মোবাইল স্কেনর কোলগী এপ’ সু পুথোক্কদৌরি। মহাক হৌজিক কোমেট স্কুলদা কম্পিউটার সাইন্সনা মপূং ওইবা সাবজেক্ট ওইদুনা এলেভেন ক্লাস তম্লিবা নুপামচানি।

মহাক্না পুথোকপা অনৌবা এপ ওইগদৌরিবা মোবাইল ফোনগী স্কেনর কোলগী এপ অসিগী মতাংদা মহাক্না হায়, হৌজিক মসিগীদমক শেম শাবা পূম্নমক লোইরে। অনৌবা এপ অসিগী মতেংনা করিগুম্বা ফোন নম্বর অমা চেদা ইশিলহৌদুনা থম্বা ওইগেরা নৎত্রগা মোবাইল ফোনগী গেল্লারিদা য়াওবা ওইগেরা শীজিন্ননীংলকপা মতমদা নম্বর অদু থৌওইনা অমুক কোপি তৌদুনা নম্বগী মহুত্তা দাইরেক্ট ওইনা হাংদোক্লগা ফোটো কাপ্লবা মতুঙদা তৌবীফম থোকপা প্রোসেস তৌরবা মতুংদা নম্বর অদু ইথোক ইশিন তৌনদনা এপ অসিনা অদুমক পারগা ফোন তৌবা য়াওনা নম্বর অদু শীজিন্ননীংবা মওংদা শীজিন্নবা য়াহল্লগনি হায়রি।

হায়রিবা টেলিফোন নম্বর অদু চুম্নখক্কী কোল তৌবা খক্তা নত্তনা নম্বর অদুদা মেসেজ থাদোক থাজিন তৌবদসু ফোন বুক্তা হান্না চঙহল্লগা মখা তানা শীজিন্নবা য়াগনি। এপ অসি মহাক্না পুথোক্নিংলিবগী মরমদি টেলিফোন হেন্ডসেট অমগী ফোন/কোল লিষ্টতা য়াওবা নম্বরশিং অদু ইথোক ইশিন তৌবদা মতম চঙবা অমসুং অথু-অকায় নংনদবনা ফোন নম্বর থিবদা মতম চঙই। অদুবু এপ অসি শেমদুনা পুথোক্লবা মতুংদদি হায়রিবা খুদোংচাদবশিং অসি মায়োক্নররোই। এপ অসিগীদমক মহাক্না স্কুল ফাওবা নুমিৎ নীনি রোম চত্তনা কন্না হোৎনরি হায়খি।

অদুগা মহাক্না পুথোকখিবা কোরোবোই গেম অসি মমাঙগী কুমজা ২০২০ গী আগস্ট থাদনি। এপ অসিমক মণিপুরগী মনুঙদা লৈবা মীওইশিং খক্তা নত্তনা মপানগী মীওই কয়ানসু শীজিন্নরে হায়খি। অদুগা মমাঙ থাদা মহাক্না পুথোকখিবা রিসিপ্ট এপ অসিসু দুকান ফম্বা মীওইশিংনা পাম্না শীজিন্নবগা লোয়ননা মখোয়গী শিনফম অদুগসু চুনহল্লে হায়রি। মরম অসিনা অহুমশুবা ওইনা পুথোক্কদৌরিবা মোবাইলগী স্কেনার কোলগী এফ অসিসু মীওই অয়াম্বনা পাক্তক্ননা শীজিন্নরক্কনি হায়বগী থাজবা লৈরে হায়খি।

কোরোবোই গেমদি হৌজিক মীওই লিশীং ২০গী মথক্তা শীজিন্নরক্লে। অদুবু অহুমশুবা ওইনা পুথোক্কদৌরিবা মোবাইল ফোনগী স্কেনর কোলগী এপ অসিনা অমুক্কসু হেন্না মশীং য়াম্না শীজিন্নরক্কনি হায়বগী থাজবা লৈ হায়খি। বলদিপকী অপোকপা নিংথৌজম কিষননা ফোঙদোরকপগী মতুংইন্না হৌজিক্কী মতমদা মীয়াম্না মোবাইল ফোন শীজিন্নবদা কান্নবা ময়াম লৈ অদুবু মাঙজগদবা ময়াম অমসু য়াওদবা নত্তে। অদুম ওইনমক নহা ওইরিবা মহৈরোয়শিংনা অরেম্বদা মতম মাঙহন্দুনা লৈবগী মহুত্তা মোবাইল ফোন অসিবু অফবা য়াওদবা নত্তে। অদুম ওইনমক নহা ওইরিবা মহৈরোয়শিংনা অরেম্বদা মতম মাঙহন্দুনা লৈবগী মহুত্তা মোবাইল ফোন অসিবু অফবা মায়কৈরোমদা শীজিন্নহন্নীংই। মচানুপা বলদিপ পীক্লিঙৈদগী হৌনা অনৌ অনৌবা পোৎ চৈশিং শেম শাদুনা পুথোকপা পাম্লকখিবনি। মহাক্না মীয়ামগী কান্নগদবা থবক থৌরমশিং হেক তৌরকপদা মহাক য়াওনা ইমুংগী মায়কৈদগীসু মপূং ফানা সার্পোট তৌগনি হায়রকখি।

সোর্স: হুয়েন লানপাউ 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু