সিলেটতা হোলি ফেস্টিভেল পাংথোকখ্রে
সিলেট, মার্চ ০৮ : শ্রী চৈতন্য মহাপ্রভুগী মপোক কুমওনগা মরী লৈননা একাডেমি ফর মণিপুরী কালচার এন্ড আর্টস (এমকা) না শিনলাংদুনা চহি খুদিংগী পাঙথোকপগুম হন্দকশু সিলেটকী মণিপুরী রাজবাড়ী কোনুং মন্ডপতা হোলি ফেস্টিভেল পাঙথোকখ্রে।
ঙরাং মার্চ ৭, থাংজ নুমিৎ অয়ুক পুং ১০ দা সিলেটতা লৈবা এসিস্টেন্ট হাই কমিশনার অব ইন্দিয়া, শ্রী অনিরুদ্ধ দাশনা থৌরম অদুদা শরুক য়াখিবা গেস্ট ময়ামগা লোয়ননা মৈরা চুখৎতুনা হোলি উৎসব (ফেস্টিভেল) থৌরম হৌদোকখি।
মথংদা, একাডেমি ফর মণিপুরী কালচার এন্ড আর্টস-এমকাগী প্রেসিডেন্ট শ্রী দিগেন সিংহনা থৌরম মপু ওইদুনা নৈন মীফম অমসুং মনা য়েন্থোকপগী থৌরম অমসু পাংথোকখি, অদুদা চীফ গেস্ট ওইনা শরুক য়াখি বাংলাদেশ সরকারগী মিনিস্ট্রি ওব লেবার এন্ড এমপ্লোয়মেন্ট অমসুং মিনিস্ট্রি ওব এক্সপাট্রিয়েটস ওয়েলফেয়ার এন্ড ওভারসীজ এমপ্লোয়মেন্ট'কী মিনিস্টার আরিফুল হক চৌধুরী অমদি অখন্নবা মীথুংলেন ওইনা শরুক য়াখি সিলেট সিটি কর্পোরেশনগী এডমিনিস্ট্রেটর মি. আব্দুল কাইয়ুম চৌধুরী, বাংলাদেশ সরকারগী হিন্দু ধর্মীয় কল্যাণ ট্রাস্টকী ট্রাস্টি, শ্রী সুদীপ রঞ্জন সেন (বাপ্পু), স্টেট কলা একাডেমি এৱার্দি মণিপুরগী ওজা এলাংবম জয়ন্ত অমসুং সিলেট দেবালয় রথযাত্রা উদযাপন কমিটিগী প্রেসিডেন্ট শ্রী প্রশান্ত কুমার সিংহ । থৌরম অদুদা নুমিৎ ৫নি চুপ্না পাঙথোকখিবা মণিপুরী ডান্স ওয়ার্কশপতা শরুক য়াখিবা আর্টিস্ট ময়াম্বু সার্টিফিকেট পিদুনা ইকায়খুম্নখি।
থৌরমগী অরোইবদা কালচারাল ইভেন্ট ওইনা থাবল চোংবা, মার্শাল আর্ট, থাং-তা, হোলি পালা, পুঙ চোলম য়াওনা ঈশৈ জগোয়গী থৌরম কয়া পাঙথোক্তুনা নোংমগী হোলি ফেস্টিভেলগী থৌরম লোয়শিনখি।
0 কমেন্ট:
কমেন্ট তৌবিয়ু