`অঙনবা মণিপুরী সাহিত্যগী লিক্লু পরেং’ ফোঙখ্রে
ইম্ফাল, মে ১৬ : লৈপাক অমা লমদম অমগী সিভিলাইজেসন অসি অইবা অইবীশিং অমদি আর্টিষ্টশিং অসিনা চুম্না অমদি ফজনা লীদুনা থম্লমগদবনি। ঙসিগী অইবা-অইবীশিংনা ইদুনা থম্লম্লিবা মমল য়াম্লবা লাইরিকশিং অমদি লাইয়েকপা, হকপা অমসুং শাবা আর্টিষ্টশিং অসিনা মতম-মতমদুগী থম্লম্লিবা অয়েকপা লাইশিং অমদি শাদুনা থম্লম্লিবা ষ্টেচুশিং অদুনা মতম-মতমদগী সিভিলাইজেসনগী মশক তাক্কদৌরিবনি।
ৱাফম অসি ঙসি য়ুথ হোষ্টেল, খুমন লম্পাক্তা পাঙথোকখিবা ডা. নাওরেম সনাতোম্বা অমদি ডা. কোন্থৌজম বিমোলা অনীনা পুন্না ইবা `অঙনবা মণিপুরী সাহিত্যগী লিক্লু পরেং’ হায়না মিংথোনবা ৱারেংগী লাইরিক অমা ফোঙবগী থৌরমগী অথোইবা মীথুংলেন ওইনা শরুক য়াখিবা পদ্মশ্রী এৱার্দি নব ৱারেপ্পনা ফোঙদোকখিবনি।
নব ৱারেপ্পনা মখা তানা ফোঙদোকখিবদা, তশেংনমক অইবা হায়বসি খ্বাইদগী ৱাংলবা আর্টিষ্ট অমনি। মরম অসিনা অইবা-অইবীশিং অসিনা তুংগী মীরোলগীদমক খল্লগা কান্ন-কান্নরবা অতাঙবা মখলগী লাইরিকশিং ইদুনা থম্বীরমগদবনি। ঙসিগী মীরোল অসিনা তুংগী অফবা সিভিলাইজেসন অমা শেম্লবগী লম্বী য়াৎপীরমগদবনি। ঙসি ডা. নাওরেম সনাতোম্বা অমদি ডা. কোন্থৌজম বিমোলা অনীনা ইরিবা ৱারেংগী লাইরিক অসি নোংমদি পুৱারী শোয়দনা ওইহৌরগনি। লাইরিক অসিনা হৌরক্লিবা নহারোলশিং অমদি তুংগী মীরোলদা থোইদোক্না কান্নবা কয়া পীরগনি থাজৈ।
ঙসিগী লাইরিক ফোঙবগী থৌরম অদুদা চিংমু থোইবা, রিটয়ার্দ প্রোফেসর এম বি কোলেজনা থৌরম মপু ওইনা শরুক য়াখি। লোয়ননা দি দি কে ইম্ফালগী রিটয়ার্দ প্রোগ্রাম দিরেক্ট মনিবাবু লিকমাবম অমদি ইমিনেন্ট রাইটার শরত থোকচোমনা অখন্নবা মীথুংলেন ওইনা শরুক য়াখি।
লাইরিক অসিগী অইবা অমসু ওইরিবা মণিপুর য়ুনিভার্সিটিগী মণিপুরী দিপার্টমেন্টকী এসিষ্টেন্ট প্রোফেসর ডা. নাওরেম সনাতোম্বনা ফোঙদোকখিবদা, ডা. কোন্থৌজম বিমোলাগা ঐখোয় অনীনা পুন্না ইরিবা লাইরিক অসি রেড সাইন পাব্লিকেসন ইন্দিয়া, স্বীদেন অমদি লন্ডন হায়রিবা পাব্লিকেসন হাউস অসিনা কান্ট্রি ৩দা রিলিজ তৌগনি। লাইরিক অসিনা তোঙান তোঙানবা কান্ট্রিশিংদা ফোঙবা ফংজবগী নুংঙাইবা অমা হায়বা তারগদি ঐখোয়গী মণিপুরী লোল অসি কান্ট্রি কয়াদা শন্দোকখ্রগনি হায়বসিনি।
ডা. এন সনাতোম্বনা মখা তানা হায়খিবদা, মণিপুরী লোল অসি য়াম্না লিরবা চাউরাক্না চহী ৩২০০ রোম শুরবা অরিবা লোল অমনি। ইন্দিয়াদা অরিবা লোল কয়া লৈরিবশিংসিদগী ঐখোয়গী মণিপুরী লোল অসিনা তাবা নৎত্রি। মরম অসিনা ঐখোয়গী লোল অসিদা করিগুম্বা হীরম অমত্তদা চৈথেং পীহঞ্জনিংদে। লোল অসি কন্নবা ঐখোয় খূদিংমক্না হোৎনমিন্নবগী চিরবা মতম ওইরে হায়নসু ফোঙদোকখি।
লাইরিক অসিগী অইবী ডা. কোন্থৌজম বিমোলানা ফোঙদোকখিবদা, লাইরিক অসিদা পুন্না ৱারেং ১৭ য়াওরি। লাইরিক অসি মীতৈ ময়েক অমদি বেঙ্গোলি অনীমক্তা পুন্না ফোঙজবনি। লাইরিক অসি মরুওইনা হৌরক্লিবা রিসার্চ স্কোলারশিং থোইদোক্না খরদি ফংগনি থাজৈ। ঙসিগী থৌরম অদুদা পেট্রিওটিক রাইটার্স ফোরাম মণিপুরগী সেক্রেটারি রাকেশ নাওরেম, ফোরাম অসিগী গুৱাহাটি ব্রাঞ্চকী লাইফ মেম্বার কে সী মঙাং অমদি অতৈ শক্নাইরবা মীওই কয়াসু শরুক য়াখি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু