‘সলাম ইরাবত, ইবেমচা নিংশিং মনা’ গুলাপ্তা খূৎশিন্নখ্রে
ইম্ফাল, এপ্রিল ০২ : পলেম পন্থৌ কলচরেল ত্রাষ্টনা চহী ২/২ কান্নরগা থিয়েটার আর্টিষ্ট, লিটরেচর অমসুং ক্রিয়েটিব আর্টকী থোইদোক হেন্দোক্লবা মণিপুরী অমসুং মণিপুরগী মপান্দা খুন্দারিবা মৈতৈ ফুরুপকী মীওইশিংদা পীবা ‘সলাম ইরাবত, ইবেমচা নিংশিং মনা’ হোজাইগী শক্নাইরবা প্লে রাইট লাইশোম গুলাপ্তা খুৎশিন্নখ্রে।
পলেম-পন্থৌ কলচরেল ত্রাষ্টকী সেক্রেটারি ডা. সলাম শান্তিবালানা কৎপা মনা অসিদা লুপা ১০,০০০, শকখঙ চে অমদি সাল অমা য়াওরি। এৱার্দ অসি ত্রষ্ট অসিগী মসা লোয়শঙ অমা ওইরিবা থিয়েটার আর্ট এন্দ লিটরেচরগা পুন্না খুৎশম্নদুনা জে এন মনিপুর দান্স একাদেমিগী ওদিটোরিয়ামদা পাঙথোকখিবা ৱার্ল্ড থিয়েটর দে অমসুং নুমিৎ নিনি চত্থগদবা ইন্দো বাংলা ইন্টারনেসনেল ইন্টরদিসিপ্লিনরি সেমিনার হৌদোকপগী থৌরমদা খুৎশিন্নখিবনি।
থৌরম অসিদা সোসিয়েল এক্টিভিষ্ট ডা. এলাংবম অমিটকুমার, জে এন মণিপুর দান্স একাদেমিগী দিরেক্টর পি বিলাস অমসুং ইষ্টার্ন জোনেল কলচারেল সেন্টর কোলকতাগী বোর্দ ওফ গভর্নরসকী মেম্বর বুধা চিংথামনা অথোইবা মীথুং, অখন্নবা লেংবীরকপা অমদি থৌরম মপু ওইনা শরুক য়াখি হায়রি।
পাঙথোকখিবা সেমিনারগী থৌরম অদুদা স্কোলার ২৮না শরুক য়াখি। বাংলাদেশ অমদি হোজাইদগী লাকপা স্কোলরশিংসু শরুক য়াদুনা মাগী মাগী ওইবা মত ফোঙদোক্তুনা চে পাথোকখি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু