য়ুহারদা অৱাবা নংলবা ম্যানমারগী মৈতৈশিংনা মতেং নিরক্লি
আগরতলা, ১১ এপ্রিল ২০২৫
হৌখিবা তাং ২৮-০৩-২০২৫ ইংদা ম্যানমারদা থোকখিবা অকনবা য়ুহারদা অৱা নংলবা ম্যানমারগী মৈতৈশিংনা মতেং নিরক্লি। য়ুহার অদুদা মী শিবা য়াওদ্রবসু মন্ডলে, আমরাপুর অমদি জোগাইন্দা খুন্দা লৈতাদুনা লৈবা মৈতৈশিংগী য়ুম-কৈ, লাইশঙ, মন্দির কয়া অমাং অতা থোকখিবনা লৈফম চাফম, হিদাক-লাংথক ফংদবগী অৱাবা কয়াশু মায়োক্নরক্লি।
ইন্দো ম্যানমার এসোসিয়েশন, মণিপুর কৌবা লুপ অমনা মতাং অসিদা অৱাবা নংলবা মৈতৈশিংবু অঙম অঙম্বা মতেং পাংমিন্নসি হায়না থাদোরকপা চেরোল অমদা হায়রি। তেংবাংবিনিংবশিংনা অঙম্বা শেলগী মতেং পিবিনবা ইম্ফালগী থাঙ্গাল বাজারদা লৈবা Central Bank of India গী Account No. 3712399334 দা দিপোজিৎ তৌবিবা য়াগনি, নত্রগা Mobile No. 9856149092 দা G.Pay ওইনা থাবিরকপসু য়াগনি হায়না নোল্লক্না নিংশিংজরি।
সোর্স: মরুপ
0 কমেন্ট:
কমেন্ট তৌবিয়ু