সুশিলা, রোশিবিনানা জানুয়ারী ৯ দা প্রেসিদেন্ত মুরমুদগী অর্জুন এৱার্দ লৌরগনি
নিউ দিল্লী, দিসেম্বর ২০ : লৈবাক অসিগী শান্নারোয়শিংদা পীবা লেমজনিংঙাই ওইরবা মনা খেল রত্ন অমসুং অর্জুন এৱার্দকীদমক রিকমেন্দ তৌখিবা শান্নরোয়শিংবু স্পোর্তস মিনিস্ত্রিনা ঙসি য়ূমশকৈশা নুমিৎতা কনফার্ম তৌরকখিবগা লোয়ননা মণিপুরগী নুপী হোক্কী ওলিম্পিয়ান পুখ্রম্বম সুশিলা চনু অমসুং এসিয়ান গেমস মেদলিস্ত ৱুশু শান্নরোয় নাওরেম রোশিবিনা দেবী অনীনা মথং থা জানুয়ারী ৯ দা লৈবাক অসিগী প্রেসিদেন্ট দ্রৌপদি মুরমুদগী অর্জুন এৱার্দ লৌলগনি।
চহীগী ওইবা মনাশিং অদুগীদমক নোমিনেসনশিং ঙসি স্পোর্তস মিনিস্তরনা কনফার্ম তৌরকখিবগা লোয়ননা লেমজনিংঙাই ওইরবা খেল রত্ন মনা বেদমিন্তন শান্নরোয় সত্বিক সাইরাজ রনকিরেদ্দি অমসুং চিরাগ শেত্তি অনীনা ফংলগনি, অদুগা অর্জুন এৱার্দকী শান্নরোয় ২৬ কনফার্ম তৌখিবগী মনুঙদা মণিপুরগী সুশিলা চনু অমসুং রোশিবিনা দেবী য়াওখি। প্রেসিদেন্ত দ্রোপদি মুরুমুনা মথং থা জানুয়ারি ৯ দা এৱার্দশিং অদু মফম অসিগী রাস্ত্রপতি ভবন্দা পাঙথোক্কদবা চীংলেম্বলবা থৌরম অমদা শান্নরোয়শিংদা লান্থোক্লগনি।
এসিয়ান গেমসকী গোল্ড মেদলিস্ত, ৱার্ল্ড চেম্পিয়নশিপকী ব্রোঞ্জ মেদলিস্ত অমসুং কমনওয়েল্থ গেমস সিলভার মেদলিস্ত চিরাগ অমসুং সত্বিক অনীবু মখোয়গী শীংথানিংঙাই ওইরবা এচিভমেন্তশিং অদু শকখঙলদুনা লৈবাক অসিগী স্পোর্তসকী খ্বাইদগী ৱাংলবা মনা অদু পীগদৌরি। মরকসিদা, মশাগী চহী ৩৩ শুরবা ইন্দিয়াগী ক্রিকেটার মহাম্মদ শামিনা ও দি আই ৱার্ল্ড কপ্তা থোইদোক হেন্দোকপা পারফোর্মেন্স উৎখিবগীদমক অর্জুন এৱার্দকীদমক খনগৎখি।
ৱার্ল্ডকাপ অদুদা ইন্দিয়ানা অস্ত্রেলিয়াগী মখূত্তা ফাইনেলদা মায়থীদুনা রার্নাস-আপ তাহৌখি। ৱার্ল্ড কাপ অদুদা শামিনা মেতচ তরেৎ শান্নখিবদা উইকেট তরেৎ লৌখি। চহী অসিগী অর্জুন এৱার্দকীদমক খনগৎখ্রবা অতৈ এথলেতশিংগী মরক্তা হোক্কীগী ওইনা সুশিলা চনু অমসুং ক্রিশন বাহাদুর পথক, আর্চর ওজাস প্রভিন দেওতালে অমসুং অদিতি গোপিচান্দ স্বামি, বোক্সার মহম্মদ হুমাসুদ্দিন, চেস শান্নরোয় আর ভাইশালি, গোল্ফার দিক্ষা দাগর, শুটার আইশ্বারি প্রতাপ সিংহ তোমার অমসুং এশা সিংহ, ৱুশু শান্নরোয় নাওরেম রোশিবিনা, রেস্তলার অন্তিম পঙ্গাল অমসুং সুনিল কুমার, পেদ্দলার এহিকা মুখরাজি অমসুং পেরা আর্চার শিতল দেবী য়াওখি।
হৌখিবা দিসেম্বর ১৩ দা গর্ভনমেন্তকী পেনেল অমনা এৱার্দশিং অদুগীদমক শান্নরোয়শিং অদুবু নোমিনেট তৌখি। মিনিস্ত্রি অদুনা দ্রোনাচার্য্য এৱার্দকীদমক রিগুলার অমসুং লাইফ-টাইম কেটাগোরিদা কোচ মঙা ক্লিয়ার তৌখি। ধ্যান্দ চান্দ এৱার্দ ইন লাইফ-টাইম কেটাগোরিগী ওইনা মীওই অহুমদা মনা অদু লান্থোক্কদৌরি।
গুরুনানক দেব য়ুনিভার্সিতি অমৃতসরনা মাউলানা আবুল কালাম আজাদ (মাকা) ত্রোফি ২০২৩ ফংলগনি অদুগা লাভালি প্রোফেসনেল য়ুনিভার্সিতি পাঞ্জাব অমসুং কুরুক্ষেত্র য়ুনিভার্সিতি অনীনা মথংশিৎনা ফার্সত অমসুং সেকেন্দ রানার্স-আপশিং ওইরি।
নেশনেল স্পোর্তস এৱার্দ উইনারশিংগী লিস্তঃ
মেজর ধ্যান চান্দ খেল রত্ন এৱার্দ ফোর ২০২৩: চিরাগ শেত্তি অমসুং সত্বিক সাইরাজ রনকিরেদ্দে (বেদমিন্তন)। অর্জুন এৱার্দস ফোর ২০২৩ঃ ওজাস প্রভিন দেওতালে (আর্চরি), অদিতি গোপিচান্দ স্বামি (আর্চরি), মুরালি শ্রীশঙ্কর (এথলেতিক্স), পারুল চাউধরি (এথলেতিক্স), মুহামদ হুসামুদ্দিন (বোক্সিং), আর ভাইশালি (চেস), মহম্মদ শামি (ক্রিকেট), অনুশ অগরৱাল্লা (ইক্কেস্ত্রিয়ান), দিভ্যাক্রিতি সিংহ (ইক্বেস্ত্রিয়ান দ্রেসেজ), দিক্ষা দাগর (গোল্ফ), ক্রিশন বহাদু পথক (হোক্কী), পুখম্বম সুশিলা চনু (হোক্কী), পৱন কুমার (কাবাডি), রিতু নেগি (কাবাডি), নাসরিন (খো-খো) পিঙ্কি (লোন বোলস), আইশ্বারি প্রতাপ সিংহ তোমার (শুটিং), এহিকা মুখরজি (তেবল তেনিস), সুনিল কুমার (রেস্তলিং), অন্তিম (রেস্তলিং), নাওরেম রোশিবিনা দেবী (ৱুশু), শিতল দেবী (পেরা আর্চরি), ইল্লুরি অজয় কুমার (ব্লাইন্দ ক্রিকেত), প্রাচি যাদভ (পেরা কেনোইং),
দ্রোনাচার্য্য এৱার্দ (রিগুলর কেতাগোরি) ফোর আউতস্তেন্দিং কোচেসঃ ললিৎ কুমার (রেস্তলিং), আর বি রামেশ (চেস), মহাবীর প্রসাদ সাইনি (পেরা এথলেতিক্স), শিভেন্দ্র সিংহ (হোক্কী), গনেশ প্রভাকর দেবরুখকর (মল্লাখম্ব)।
দ্রোনাচার্য্য এৱার্দ (লাইফ-টাইম কেটাগোরি) ফোর আউতস্তেন্দিং কোচেসঃ জস্কিরৎ সিংহ গ্রেৱাল (গোল্ফ), ভাস্করনই (কাবাডি), জয়ন্ত কুমার পুশিলাল (তেবল টেনিস)।
ধ্যান চান্দ এৱার্দ ফোর লাইফটাইম এচিভমেন্তঃ মঞ্জুশা কনৱার (বেদমিন্তন), ভিনিৎ কুমার শর্ম্মা (হোক্কী), কভিতা সেলভরাজ (কাবাডি)।
মাউলানা আবুল কালাম আজাদ (মাকা) ত্রোফি ২০২৩ঃ গুরু নানক দেব য়ুনিভার্সিতি অমৃতসর (ওবারওল উইনার য়ুনিভার্সিতি) লাভলি প্রোফেসনেল য়ুনিভার্সিতি পাঞ্জাব (ফার্স্ত রানার্স-আপ), কুরুক্ষেত্র য়ুনিভার্সিতি কুরুক্ষেত্র (সেকেন্দ রানার্স-আপ)।
সোর্স: পোক্নফম
0 কমেন্ট:
কমেন্ট তৌবিয়ু