সিনে রাইটার্স এন্দ প্লে রাইট ফোরাম মণিপুরগী নৌনা থৌ পুগদবশিং খনখ্রে
ইম্ফাল, নভেম্বর ২১ : সিনে রাইটার্স এন্দ প্লেরাইট ফোরাম (সি দব্লিয়ু পি এফ) মণিপুরগী প্রেসিদেন্ট মনাওবী এমএমগী য়ুম উরিপোক বচস্পতি লৈকাইদা লৈবা ফোরামগী ওফিসতা থৌরম মপু ওইদুনা ইমার্জেন্সি জেনারেল বোদি মীফম পাঙথোক্তুনা ফোরাম অসিগী অনৌবা থৌ পুগদবশিং হোংদোক হোংজিন তৌখিবগা লোয়ননা জেনারেল বোদি মীফমগী মনুং চন্না শৈরৈং শৈদিন্নবগী থৌরম ঙরাং নোংমাইজিং নুমিৎ নভেম্বর ২০দা পাঙথোকখ্রে।
থৌরম অদুদা য়াইস্কুল খ্বাইরাকপা, পেট্রোন মেম্বার অমদি ফোরমশিংনা শরুক য়াখি। ফোরামগী প্রেসিদেন্ট মনাওবী এমএমনা হায়, ইং শোক ২০১৪গী সেপ্টেম্বর থাদা শেমখিবা ফোরাম অসিনা ঙসিদি খুমাং য়াওনা চঙশিনবা ঙম্লে। মণিপুরদা লৈরিবা অইবা খুদিংনা মেম্বার ওইবীনবসু আপিল তৌরক্লি। সি দব্লিয়ু পি এফ মণিপুরগী নৌনা থৌ পুনবগী খনখ্রবা মীওইশিং অদুদি প্রেসিদেন্টনা মনাওবী এমএম, ভাইস প্রেসিদেন্টতা অজিৎ য়ুম্নাম, সেক্রেটারি জেনারেলদা বিনোরঞ্জন ওইনাম, জোইন্ট সেক্রেটারিদা সুধির কাংজম, ট্রেজারদা তরাচান্দ ওইনাম, ইনফোর্মেশন এন্দ পাব্লিসিটি সেক্রেটারিদা বি রোজি, ইগজিক্যুটিব মেম্বারদা সলাম শান্তিবালা, য়াম্বেম তোম্বী, এ কে জ্ঞানেশ্বরি, রাকেশ নাওরেম অমদি বিরেন্দ্র সলামনচিংবনি। লোয়ননা ওসি মৈরা অমসুং মোইরাংথেম রাজেননা নোমিনি ওইনা ফিল্ম ফোরাম মণিপুরগী খনখি হায়রি।
থৌরমগী মনুং চন্না মণিপুর ষ্টেট ফিল্ম এন্দ টেলিভিশন ইন্সটিট্যুটকী ডাইরেক্টর ওইনা খনখ্রবা ফোরাম অসিগী মেম্বারসু ওইরিবা বিরেন্দ্র সালাম অমদি রাইটার্স ফোরাম ইম্ফালনা এচিবমেন্ট এৱার্দ পীদুনা ইকায়খুম্নবা উৎখ্রবা শক্নাইরবা অইবা মোইরাংথেম ইনাওবুসু হরাও তরাম্না ওক্তুনা পুক্নিং থৌগৎখি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু