আপডেট:
image

সাথৌলূপনা খোরিরোল খোঙচৎ চৎকদৌরি

ইম্ফাল, মার্চ ২২

সাথৌলূপ (সাহিত্য থৌপাং লূপ) লিংখৎখিবগী চহী ২০ মপূং ফারকপগা মরী লৈনা খোরিরোল খোঙচৎ অমা মার্চকী ২৪ দগী ২৯ ফাওবা নুমিৎ তরুক্নিগী ওইনা আসামগী কছার অমসুং ত্রিপুরাগী আগরতলাদা চৎকদৌরি। সাথৌলূপনা শীন্দুনা পাঙথোক্কদৌরিবা খোঙচৎ অসিদা তোঙান-তোঙানবা শিনফম কয়াদা থবক তৌরিবা মী ২২ না শরুক য়াগনি।

কলচর অমসুং লিতরেচরনা কদায় ফাওবা করি করি তৌরিবগে হায়বনচিংবা ৱাফম কয়া খন্ন-নৈনগনি। কছার বনতরাপুরদা লৈরিবা বরাক ম্যুজিয়ম এন্দ লিতরেরি অমসুং মণিপুরী কলচরেল ফোরাম অনীনা শীন্দুনা বরাক ম্যুজিয়ম কমপ্লেক্সতা পাঙথোক্কদৌরিবা বরাক কলচরেল ফেস্তিবেলদা ম্যান্মার, বাংলাদেশ অমসুং ইন্দিয়াগী তোঙান-তোঙনবা মফম কয়াদগী লাকপা অখঙ-অহৈশিংনা ইন্তরনেসনেল সেমিনার ওন প্রেজেন্ত স্তেতস ওব মনিপুরী লেংগ্বেজ, লিতরেচর এন্দ কলচর হায়বসিদা খন্ন-নৈনগনি।

খোঙচৎ অসিদা শরুক য়ারিবশিংনসু থৌরমশিং অসিদা শরুক য়াবগা লোয়ননা ইন্তলেকচুয়েল মীতকী থৌরমদসু মখল কয়াগী হীরমদা ৱাফম কয়া ফোঙদোক্নগনি। মণিপুরী লেংগ্বেজ, মণিপুরী কলচর, মণিপুরী লিতরেচর, মণিপুরী ফিল্ম, লাই হরাওবা, অয়েকপা লাই, ম্যুজিয়ম, অমদি অতৈ অতৈ হীরম কয়াদা খন্নদুনা হৌজিক ওইরিবা ফীবমগী মতাঙদসু ফোঙদোক্লগনি। ফেস্তিবেল অসিগী মনুং চন্না অইবা কয়ানা মশা মশানা ইবা শৈরেং পাথোকপা, মশক নাইরবা শৈশকপশিংনা ইমা লৈবাকপু শৈথাবা ঈশৈ অমসুং জগোয় কয়াসু লান্থোক্কনি।

ত্রিপুরাগী আগরতলাদা লৈবা মণিপুরী সাহিত্য পরিষদনা য়ূম্বু ওইদুনা সাহিত্য অমসুং কলচরগা মরী লৈনবা থৌরম কয়াসু সাহিত্য একাদেমিগী হোলদা পাঙথোক্কনি। খোঙচৎ অসিদা শরুক য়ারিবা মীশিংনা আগরতলাদা লৈবা হিস্তরি অমসুং কালচারগা মরী লৈনবা মফমশিংদা চত্তুনা য়েংগনি।

ত্রিপুরাদা মণিপুরীশিংনা খুন্দা-লৈতরকখিবা অমসুং হৌজিক ওইরিবা মণিপুরী সাহিত্যগী মতাঙদসু অখঙ-অহৈশিংনা ৱা ঙাঙগনি লোয়ননা হৌজিক মণিপুরদা ওইরিবা সাহিত্যগী ফীবম অমসুং সাহিত্যনা লৌরিবা থৌদাং হায়বসিদা খন্ন-নৈনগনি। মশক নাইরবা অইবশিংনা শৈরেং পাথোকপগী থৌরম লোইরবা তুংদা হৌজিক ওইরিবা ফীবম অসিগী মতাঙদা পূন্না খন্ন-নৈনবগী মীফম অমসু পাঙথোক্কনি হায়রি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: