আপডেট:
image

শৈরেং অমসুং ৱারীমচা পাথোকপগী থৌরম পাঙথোকখ্রে

ইম্ফাল, জানুয়ারি ১৪ : ইরমদম মীয়ামগী অপূনবা খোর্জৈ লূপ (ইমাখোল) অৱাং পোৎশংবম অমসুং প্রোগ্রেসিব রাইটার্স এসোসিয়েসন ইম্ফাল অনীনা পূন্না খূৎশম্নদুনা ‘নিংথমগী খোঞ্জেল’ হায়না মিংথোনবা শৈরৈং অমসুং ৱারীমচা পাথোকপগী থৌরম অমা ঙসি কৈশামথোংদা লৈবা আর কে সি এস আর্ত ম্যুজিয়ামদা পাঙথোকখ্রে হায়রি।

মণিপুরী খোরিরোলদা শৈরেং অমসুং ৱারীমচাগী থাক হেন্না ৱাংখৎহনবা হায়বা ৱাখল্লোন্দা পান্দম থশ্লগা পাঙথোকখিবা থৌরম অদুদা ইমাখোলগী ফাউন্দর প্রেসিদেন্ত দাঃ রাজকুমার গুনচন্দ্র, প্রোগ্রেসিব রাইটার্স এসোসিয়েসনগী প্রেসিদেন্ত ইবোসনা খুমন অমসুং মণিপুর স্তেত কলা একাদেমি এৱার্দি আর কে বুধিমন্তনা ফম্বাক্কী মীথুংশিং ওইনা শরুক য়াখি।

ইমাখোলগী থৌবুরেল ৱাহেংবম রোমেন মীতৈনা থৌরমগী নুংগী ওইবা ৱারোল পীখি অদুগা রাজকুমার বুধিমন্তনা শৈরেং অমা পাথোক্তুনা থৌরম অদু হৌদোকখি। থৌরমগী অহৌবা শরুক্তা মমাঙ চহীগী মে ৩ দগী চত্থরক্লিবা লান অসিদা থৱায়না পোন্থা পীখ্রবা অথৌবা অথৌবীশিংগী মফমদা মিনিত অমা তুমিন্না লেপ্তুনা ইকায়খুম্নবা উৎখি।

ঙসিগী থৌরম অসিদা মপূং ওইনা ইমাখোল অমসুং প্রোগ্রেসিব রাইতর্স এসোসিয়েসনগী অপূনবা লূপ্লোই ৩৬ না শৈরেং পাথোকখি অদুগা অইবা অইবী ৪ না ৱারীমচা পাথোকখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: