ইম্ফাল, সেপ্টেম্বর ২১: পেত্রিওটিক্স রাইটার্স ফোরাম (পিএদব্লিউএফ), মণিপুরনা চহী খুদিংগী লেপ্তনা পীদুনা লাক্লিবা লময়ানবা হিজম ইরাবত মেমোরিয়েল লাইফটাইম এচিভমেন্ট এৱার্দ চহী অসিগী ওইনা ত্রিপুরাগী শক্নাইরবা মীওই ২ আরকে তরুঞ্জিৎ অমদি ডাঃ ক্ষেত্রিময়ুম মাধবী সিনহাদা পীদুনা ইকায়খুম্নবা উৎলগনি।

লেমজনিংঙাই ওইরবা এৱার্দ অসি লাক্লিবা সেপ্টেম্বর ২৬কী নুংথিল পুং ৩ তাবা মতমদা সাহিত্য একাদেমি হোল নজরুল কলা ক্ষেত্র কমপ্লেক্স, আগরতলাদা পিএদব্লিউএফ মণিপুর অমদি পিএদব্লিউএফ ত্রিপুরা ব্রাঞ্চ অনিনা পুন্না শিল্লগা পাঙথোক্কদবা লময়ানবা হিজম ইরাবত লৈখিদবগী নীংশিং থৌরমগা মরী লৈননা খুৎশিন্নগনি।

লেমজনিংঙাই ওইরবা এৱার্দ অসিদা শেল ওইন লুপা লিশিং ৫, সাইতেসন, সোল অমদি মেমেন্তো অমমম য়াওরি হায়না ফোরাম অসিগী সেক্রেটারী রাকেশ নাওরেমনা থাদোরকপা চেরোল অমদা হায়রি।

সোর্স: কংলা পাউ