মৈতৈ পাঙল মহৈরোইশিং ওকখ্রে
আগরতলা, জুলাই ২০ : চহী খুদিং তৌনা হন্দকসু ত্রিপুরা বোর্ড অমসুং অতৈ অতৈ বোর্ডকী মখাদা পরীক্ষাদা ফার্ষ্ট ডিভিশন্দা মায় পাক্লবা ধরাই ডিস্ত্রিক্টকী মৈতৈ পাঙল মহৈরোইশিংবু তরাম্না ওকখ্রে। ধরাই ডিষ্ট্রিক্টতা ত্রিপুরা পাঙল (মণিপুরী মুসলিম) ডেভেলপমেন্ট ওর্গানাইজেশননা শীন্দুনা চৎখিবা জুলাই তাং ১২ অৱাং হালাহালি মুসলিম পাড়া জে. বি স্কুল লম্পাক্তা চীংলেম্না পাঙথোকখিবা থৌরম অমদা হন্দক ২০২৫ চহীগী মাধ্যমিকতা অমসুং হায়ার সেকেন্ডারীদা মায় পাক্লবা শুপ্না মৈতৈ পাঙল মহৈরোই ১৮ বু ওক্তুনা পুক্নিং থৌগৎখ্রে। লুপ অসিগী প্রেসিডেন্ট আনসার উদ্দিননা থৌরম মপু ওইরগা গেষ্ট ওইনা মণিপুরী সাহিত্য পরিষদ কমলপুর ব্রাঞ্চকী প্রেসিডেন্ট হাজি আব্দুল নূর খান অমসুং সেক্রেটারী এম মৃনাল য়াওনা নূর হোসেন, কামান হোসেন নচিংবা মীওইশিং শরুক য়াখি। পনবা য়াবদি লুপ অসি ইং ২০১৫ দা লিংখৎখিবা মতমদগী লেপ্তনা চত্থরকপা মৈতৈ পাঙল মহৈরোইশিংবু তরাম্না ওকপগী থৌরম অসি পাঙথোক্তুনা লাক্লিবনি।
সোর্স: মরূপ
0 কমেন্ট:
কমেন্ট তৌবিয়ু