মপোক নুমিৎ থৌরমগা লোয়ননা মনাশিং লান্থোকখ্রে
ইম্ফাল, জুন ১৫ : খোরিরোল শন্দোকলুপ ৱাংজিংগী ৪৮ শুবা মপোক নুমিৎ থৌরম ঙসি খোরিরোল শঙলেন ৱাংজিংদা পাঙথোকখিবগা লোয়ননা লুপ অসিনা পীবা তোঙান তোঙানবা খোরিরোলগী মনাশিংসু মী কয়াদা লান্থোকখ্রে।
থৌরমদুদা মণিপুর সাহিত্য পরিষদ থৌবাল দিস্ত্রিক্ত মশাগী প্রেসিদেন্ত মোইরাংথেম রাজেন্দ্রনা অথোইবা মীথুংলেন, খোরিরোল শন্দোকলূপ ৱাংজিংগী প্রেসিদেন্ত তোংব্রম বাবুলালনা থৌরম মপু, আই আর ই ৱাংজিংগী প্রিন্সিপাল দাঃ রাজিবকুমার নারেংবম, ৱাংজিং এস কে লৈকায়দগী সোসিয়েল এক্তিবিস্ত কুঞ্জবতি লৈমনা ইকায় খুম্নবা মীথুংশিং ওইনা শরুক য়াখি।
ঙসিগী থৌরমদুদা লূপ অসিগী খোরিরোলগী চেফোং ‘ইথিল’ হৌনবী মতুং ইন্না ফোঙখি। চেফোং অদুগী এদিতরনা ভোরেত সনসমনি। লোয়ননা লূপ অসিনা পীবা তোঙান তোঙানবা খোরিরোলগী মনাশিংসু মী কয়াদা লান্থোকখি।
মনাশিং অদুদি সুবাকুমার লাইফ তাইম লিতরেরি এৱার্দ ২০২৫ য়াইরিপোক্তগী রঘুবির থিয়ামদা, সম্বান্দুরাম নন্দকিশ্বোর হন্দোক্লোই মনা ২০২৫ ৱাংখৈ কৈথেল অশাংবীদগী লাইশ্রম মেমোদা, প্রিয়সখি নিংশিং সাহিত্য মনা ২০২৫ হাওবম মরুক কৈশাম লৈকায়দগী ময়াংলম্বম সুমতিদা, নরেংবম ইবোতোম্বী খোরিরোল মনা ২০২৫ না হিয়াংলম ময়াই লৈকায়দগী এলাংবম শ্যামসুন্দরদা, ঙাংবম জয়ন্তকুমার খোরিরোল মনা ২০২৫ না মোংজম ময়াই লৈকায়দগী এস মোহেন্দ্রোদা, তেকচম কমিনিকুশ লোইদাং খোরিরোল মনা ২০২৫ ৱাবগাই তেরাপিশক্তগী কৃতিচান্দ লুৱাংদা লান্থোকখি। মনাশিং অসিদা শেল, শক্তাক চে অমদি লেংয়ান ফী অমমম য়াওরি হায়রি।
সোর্স: পোক্নফম
0 কমেন্ট:
কমেন্ট তৌবিয়ু