ত্রিপুরাগী হায়ার সেকেন্দরিদা মীতৈ মচা বিথিনা ৮ শুবা তারে
ইম্ফাল, জুন ১৫ : ত্রিপুরা বোর্দ ওব সেকেন্দরি এদজুকেসন্না লৌবা মাধ্যমিক পরিক্সা অমসুং হায়ার সেকেন্দরি একজামিনেসন ২০২৫ গী রিজলত থোকখিবা মতুং তোপ ১০ পোজিসন লৌবা তেলেন্ত লৈবা মহৈরোয়শিংগী মমিং লাউথোকপদা ত্রিপুরাগী মৈতৈ মচা অমা য়াওরক্লে।
তি বি এস ইনা লৌবা মাধ্যমিক পরিক্সা (সেকেন্দরি একজামিনেস) ২০২৫ মৈতৈ নুপীমচা বিথি সিংহনা ৮ শুবা পোজিসন লৌরকখিবনি। বিথি সিংহ ত্রিপুরাগী বাইদ্যারদিগি মৈতৈ খুঙ্গংদগী লাঙ্গোঞ্জম বিকাশ সিংহ অমদি নিংথৌজম নিংঙোল রাধারাণী অনীগী মচানুপীনি। অদুগা তখেল লমদমগী শক্নাইরবা নট সংকীর্ত্তন শৈশকপা লাঙ্গোলজম খেলেন্দ্রগী মশুনুপীনি।
মহাক্না মার্ক ৫০০গী মনুংদা মার্ক ৪৮২, চাদা ৯৬..৪ ফংখি। মহাক সিপাহিজোলা দিস্ত্রিক্তকী পিএম বাইদ্যারদিগী ঐচএস স্কুলগী মহৈরোয়নি। হৌজিক্না আগরতলাগী কামিনি কুমার ঐচএস স্কুলদা সাইন্স স্ত্রিমদা তম্লি। চহী ৪৬ গী মতুংদা ১ শুবদা য়াওবা মৈতৈ মচাদা বিথি সিংহনা অহুমশুবনি। ১৯৭৬ তা তি বি ইগী মখাদা অহানবা ওইনা মাধ্যমিক পরিক্সাদা কেএসঐচ প্রশান্ত কুমার সিংহ ৮ শুবা পোজিসন লৌখি। মথং ১৯৭৯ দা কমলপুর হলাহলিগী লৈফ্রাকপম স্বপ্নানা ৬ শুবা পোজিসন লৌখি হায়রি।
সোর্স: পোক্নফম
0 কমেন্ট:
কমেন্ট তৌবিয়ু