মণিপুরী লিটরেরী এ্যন্ড কালচারেল ফোরাম, ত্রিপুরাগা খুৎশম্নরগা সাহিত্য একাডেমিগী সিম্পোজিয়ম
আগরতলা, দিসেম্বর ১১: ভারত সরকারগী মখাদা লৈবা সাহিত্য একাডেমি, দিল্লীনা মণিপুরী লিটরেরী এ্যন্ড কালচারেল ফোরাম, ত্রিপুরাগা খুৎশম্নরগা 'দি ট্রেন্ডস অব মোডার্ন মণিপুরী পোয়েট্রি বিওল্ড মণিপুর' হায়বা হিরমসিদা নোংমগী ওইবা সিম্পোজিয়ম অমা লাক্লিবা ডিসেম্বর ১৪, আগরতলা গী নজরুল কলাক্ষেত্র কমপ্লেক্সগী সাহিত্য একাডেমিগী অডিটোরিয়মদা পাঙথোক্কদৌরি।
সেসন অনী থোক্না পাঙথোক্কদবা হৌদোকপগী থৌরমদা ফোরামগী এডভাইজর আরকে তরুনজিৎ সিংহনা চেয়ার লৌরগা থৌরম অদু গেষ্ট অব অনার ওইনা মণিপুরী সাহিত্য পরিষদ, ত্রিপুরাগী প্রেসিডেন্ট এল বীরমঙ্গল অমসুং সিনিয়র পোয়েট অহৈবম বোধচন্দ্র শরুক য়াগনি। থৌরম অসি সাহিত্য একাডেমি, নিউ দিল্লীগী, মণিপুরী লোল বোর্ড মেম্বর খোইস্নাম বীরলানা ইনট্রুডাকশন পীগনি অদুগা একাডেমি আগরতলা নিকোলগী ডিরেক্টর নির্মল দাসনা ৱেলকাম এড্রেস অদুগা ফোরামগী সেক্রেটারী খোইস্নাম মংগলনা ভোেট অব থ্যাঙ্কস পীগনি।
অহানবগী সেসন্দা ময়েংবম নীলমনিনা চেয়ার লৌরগা অহৈবম রবীন্দ্র কুমার সিংহ, অনুরাধা নোংমাইথেম অমসুং এল মীনা পেপার পাগনি। অনীশুবা সেসন্দা ৱাংখেম বীরমঙ্গলনা চেয়ার লৌরগা সোরোকখাইবম গম্ভিনী সিংহ, কে ধীরেন্দ্র সিংহ অমসুং ময়েংবম প্রদ্যোত সিংহ শরুক য়াগনি হায়রি।
সোর্স : মরূপ
0 কমেন্ট:
কমেন্ট তৌবিয়ু