আগরতলাদা ৱারীমচা পাবগী থৌরম অইবা-অইবী ১০০ না ৱারী মচা পাগনি
আগরতলা, দিসেম্বর ১০: মণিপুরী সোর্ট ষ্টোরি সোসাইটি, ইন্ডিয়া গী ৩২শুবা চহীগী মীফমলেন লোয়ননা লৈবাক্কী ওইবা ৱারী মচা পাবগী থৌরম হন্দকচহী আগরতলাদা পাঙথোক্কদৌরি। লাক্লিবা ডিসেম্বর তাং ২৫ অমসুং ২৬ নুমিৎ নিনি চুপ্পা আগরতলা শহীদ ভগৎ সিং য়ুথ হোষ্টেল কনফারেন্স হোলদা থৌরম অসি পাঙথোক্লগনি।
থৌরমসি মপুং ফানা পাঙথোকপা ঙম্ননবা অইবী ক্ষেত্রিময়ুম মাধবীবু চেয়ারম্যান অদুগা কে ধীরেনবু কনভেনর হাপ্তুনা মীওই ১৯ না য়াওনা রিসেপশন কমিটি অমসু শেমখ্রে। চৎখিবা ডিসেম্বর ৬, হোজাই দগী সোর্ট স্টোরি সোসাইটি, ইন্ডিয়াগী থৌবুরেন অনী থাংজম চাওরেন অমসুং তেনসুবম মনিহার, অদুগা সোসাইটিগী ত্রিপুরা ইউনিটকী প্রেসিডেন্ট সিজা মলিনা অমসুং সেক্রেটারী খোইস্নাম বীরলা য়াওনা সাহিত্য পরিষদকী মীহুৎ শিংনা ফমখিবা মীফমদা রিশেপশন কমিটি শেমখিবনি। হন্দক্কী লৈবাক্কী ওইবা ৱারী মচা পাবগী থৌরমদা হোজাই, হাইলাকান্দি, শিলং, আইজল, জিরিবাম, ইম্ফাল, গুৱাহাটি, ডিমাপুর, অরুনাচল প্রদেশ, শ্রীভূমি, ত্রিপুরা নচিংবা হৌজিক ফাওবদা অইবা-অইবী ১০০ রোমগী মিং য়াওরে।
ত্রিপুরাদগী ১৩ শরুক য়ারবা য়াই হায়রি। অসোমদা সোসাইটিনা থাদোরকপা চেরোল অমদা চহী অসিগী মনা ফংগদবা অইবা অইবীশিংগী মমিং লাওথোকখ্রে। মখোয়শিং অদুদি:- ১) হাওবম অমরদা 'রাজকুমার শীতলজিৎ নীংশিং মনা-২০২৫'। (২) হাওবম প্রিয়কুমারদা 'এলাংবম দীনমনি নীংশিং মনা ২০২৫। (৩) এম সবিতা সিংহগী 'পীরাংদুনা চৈহৌই ঐবু' হায়বা - লাইরিক্তা 'মোইরাংথেম ওংবী থিয়াম নিঙোল মধুমতি নীংশিং মনা। (৪) পি কমলাকান্তগী 'চুমথাং মখোঙ' লাইরিক্তা 'লাইরিকয়েংবম বিধি সিং নীংশিং মনা (৫) থোকচোম অঞ্জনাগী 'পোকত্রবসু - ইমানি নঙদি' লাইরিক্তা এন ধনঞ্জয় বিধি সিং নীংশিং মনা' (৬) এনজি মালেমঙানবী গী 'ঈহুল'দা মৈস্লাম বোকুল - সিংহ নীংশিং মনা' অমসুং হাওবম সত্যবতী দেবীদা 'মহারাণী কুরঙ্গনয়নী নীংশিং মনা ২০২৫' অসি পীরগনি হায়রি।
সোর্স- মরূপ
0 কমেন্ট:
কমেন্ট তৌবিয়ু